मुस्लीमबहुल लक्षद्वीपमध्ये भाजपची फारशी ताकद नाही. गत निवडणुकीत इथे भाजप उमेदवाराला 245, 187 अशी मते मिळाली आहेत. तर त्याचवेळी राष्ट्रवादीने इथे गत दोन्ही निवडणुकीत विजय मिळविला आहे. त्यामुळेच भाजपने आपला उमेदवार उभा करण्याचे टाळले असून मित्र पक्ष असलेल्या राष्ट्रवादीला पाठिंबा देत ही जागा त्यांच्या पक्षाला दिली आहे. याशिवाय राष्ट्रवादी काँग्रेसने महायुतीत किमान आठ ते नऊ जागांचा आग्रह धरला आहे. पण भाजप पाचपेक्षा जास्त जागा सोडण्यास तयार नाही. या पार्श्वभूमीवर भाजपने राज्याबाहेर एक जागा देत अजित पवार यांना दिलासा देण्याचा प्रयत्न केला आहे.