CM Devendra Fadnavis Statement On Pune : उद्योग क्षेत्रात, व्यापारात एक मोठा दबाव पाहायला मिळतो. आमच्याकडूनच खरेदी करा, आमचीच माणसं घ्या. आम्हालाच कंत्राट द्या, आम्ही म्हणतो त्याच दराने काम द्या. ही मानसिकता जर आपण संपवली नाही, तर पुण्याचा विकास पुढे होवूच शकणार नाही, असा इशारा मुख्यमंत्री देवेंद्र फडणवीस (CM Devendra Fadnavis) यांनी दिलाय. त्यांच्या हस्ते ‘पुणे महानगर प्रदेश ग्रोथ हब’ या (Pune News) उपक्रमाचं उदघाटन संपन्न झालं. यावेळी ते बोलत होते. त्यांनी पुणे आर्थिक क्षेत्राच्या सर्वांगीण विकासासाठी नीती आयोग, महाराष्ट्र शासन आणि पुणे इंटरनॅशनल सेंटर यांच्यातील ‘स्टेटमेंट ऑफ इंटेंट’ यावर स्वाक्षरीत केली.
पुण्याच्या विकासात कोणता अडथळा?
पुण्याच्या विकासातील सगळ्यात मोठा अडथळा म्हणजे, दुर्दैवाने येथे घुसलेली (Hooliganism Obstacle In Pune Development) दादागिरी, असं वक्तव्य यावेळी फडणवीसांनी केलंय. जर अशा प्रकारच्या दबावात काम करावं लागलं, तर पॉलिसी काम करू शकणार नाही. आपल्याला आपला माईंडसेट बदलावा लागणार आहे. 2014 अन् 2025 पूर्वीचा भारत यात जमीन-आसमानाचा फरक दिसत आहे. जर इतका मोठा देश बदलू शकतं, तर मग महाराष्ट्रासारखं राज्य का बदलू शकत नाही.
भाजपचं ‘गुजराती कार्ड’! ठाकरे बंधू एकत्र येताच, नव्या रणनीतीचा खेळ सुरू…
फडणवीसांचा धक्कादायक खुलासा
नीती आयोगाचे सीईओ येतात, पुण्याची तारीख करू शकतात. आपल्याला वाटतं, वी आर दी बेस्ट. पण काही लोकं काही क्षेत्रांत, आपल्या पुढे निघून गेलेले आहेत, असं देखील यावेळी मुख्यमंत्री यांनी म्हटलंय. आपण ऐतिहासिक प्रकारच्या लिडरशीपमध्ये राहिलो तर, आपली परिस्थिती ‘खंडलेल्या गावचा पाटील’ अशी होईल. ग्रोथ हबचा प्रयोग करायचा आहे, त्यात प्रशासनासह सर्वांना प्रयत्न करावा लागेल. महाराष्ट्रातील सगळ्यात मोठा डायनॅमिक एरिया पुणे आहे.
VIDEO : उद्धव अन् राज ठाकरेंकडून फोन; महादेव जानकरांचा धक्कादायक खुलासा, युतीचे संकेत…
जे संभाजीनगर कालपर्यंत कुठेही पुण्याच्या आसपास नव्हतं, ते आता पुण्याला मागे टाकत आहे, असं देखील फडणवीसांनी म्हटलं. पुणेकरांमध्ये क्षमता आहे. अशावेळी नवीन क्षेत्रात पदार्पण करून आपली स्ट्रेंथ तयार करू शकतात. पुणे इनोव्हेशनचं केंद्र आहे, असं देखील फडणवीस यांनी स्पष्ट केलंय. यावेळी त्यांनी नीती आयोगाचे देखील आभार मानले. महाराष्ट्र कदाचित पहिलं राज्य असेल, जिथे आपण इतक्या मोठ्या प्रमाणात ग्रोथ हब तयार करत आहोत. यामाध्यमातून विकसित महाराष्ट्राच्या दिशेने वेगाने वाटचाल करण्यासाठी मदत मिळणार आहे, असे मुख्यमंत्री फडणवीस यांनी सांगितले.
