Manoj Jarange Patil : राज्य सरकारला दिलेल्या इशाऱ्यानंतर मनोज जरांगे पाटील (Manoj Jarange Patil) आजपासून पुन्हा उपोषणाला बसणार आहेत. जालना जिल्ह्यातील आंतरवाली सराटी या त्यांच्या गावातच ते उपोषणाला सुरुवात करतील. मराठा समाजाला सरसकट कुणबी प्रमाणपत्र मिळावे या मागणीसह अन्य महत्वाच्या मागण्यांसाठी जरांगे पाटील उपोषणाला बसणार आहेत. मागील 18 महिन्यांपासून जरांगे पाटील आंदोलन करत आहेत. या काळात त्यांनी सहा वेळा उपोषण केले आहे. राज्यात महायुती सरकार स्थापन झाल्यानंतर त्यांनी 25 जानेवारीपासून उपोषण सुरू करण्याचा इशारा दिला होता.
कुणाचाही बाप आला तरी.. देशमुख हत्या प्रकरणात मनोज जरांगेंचा इशारा नेमका कोणाला?
सगेसोयरे अधिसूचनेची तत्काळ अंमलबजावणी करावी.
मराठा आंदोलकांवरील केसेस तत्काळ मागे घ्या. सर्व गुन्हे रद्द करावेत.
शिंदे समितीने राज्यभरात कुणबी नोंदी शोधण्याचे काम तत्काळ सुरू करावे. शिंदे समितीला एक वर्षाची मुदतवाढ मिळावी.
कुणबी प्रमाणपत्र देण्यासाठी जिल्हा व तालुका पातळीवरील कक्ष पुन्हा सुरू करावेत.
मराठा व कुणबी एकच असून सुधारित शासन आदेश काढून मराठा समाजाला सरसकट कुणबी प्रमाणपत्र मिळावे.
हैदराबाद गॅझेटियर, सातारा संस्थान गॅझेटियर, बॉम्बे गव्हर्नमेंट गॅझेटियर लागू करावे.
