Restrictions on fuel supply in Pune : पुण्यात शनिवारी इंधनटंचाईची परिस्थिती अधिक तीव्र होत असल्याचे चित्र दिसून आले. विशेषतः इंडियन ऑइल कॉर्पोरेशन लिमिटेडवर अवलंबून असलेल्या अनेक पेट्रोलपंप चालकांनी पेट्रोल आणि डिझेलच्या पुरवठ्यात मोठी कपात झाल्याची माहिती दिली. शुक्रवारपर्यंत इंधनाची कोणतीही कमतरता नाही, असा दावा करणारे डीलर्स आता मात्र कंपन्यांकडून रेशनिंग सुरू झाल्याचे सांगत आहेत.
पेट्रोल डीलर्स असोसिएशन, पुणेच्या एका पदाधिकाऱ्याने सांगितले की, शनिवारी परिस्थिती अचानक बदलली आणि विशेषतः IOCL चा पुरवठा कमी झाल्याचे स्पष्टपणे जाणवू लागले. डिलरने 6 किलोमीटर पेट्रोल आणि 6 किलोमीटर डिझेलची मागणी केली, तरी कंपन्या आता फक्त 3 किलोमीटर पेट्रोल आणि 9 किलोमीटर डिझेल किंवा मिश्र प्रमाणात इंधन देत आहेत. मागणीनुसार पुरवठा न करता उपलब्ध साठा सर्व पंपांमध्ये विभागण्याचा प्रयत्न सुरू आहे, असे त्यांनी सांगितले.
IOCL च्या एका अधिकाऱ्याने देखील शनिवारपासून पुरवठवर निर्बंध आणण्यात आल्याची कबुली दिली. ज्या पंपाला चार टँकर कप्पे पेट्रोची गरज आहे, टायला आम्ही फक्त दोनच देत आहोत. म्हणजेच आवश्यकतेच्या जवळपास निम्माच पुरवठा केला जात आहे. असे त्या अधिकाऱ्याने स्पष्ट केले. या परिस्थितीमागे पुरवठातील मर्यादा आणि नागरिकांकडून वाढलेली घाईघाईत खरेदी हे दोन्ही घटक कारणीभूत ठरत असल्याचे अधिकाऱ्याने सांगितले. फक्त पॅनिक बायिंग नाही, तर काही पेट्रोलपंपांना पुरेसा पुरवठाच मिळत नसल्याने ते बंद ठेवावे लागतात आहेत. तसेच इंधनदर आणखी वाढू शकतात, अशी चर्चा सुरू असल्याने नागरिक नेहमीपेक्षा अधिक इंधन भरून घेत आहेत, असे त्यांनी नमूद केले.
राष्ट्रवादीतील नाराजीच्या चर्चांदरम्यान पार्थ पवारांची फडणवीसांना भेट; आनंद परांजपे शरद पवारांच्या भेटीसाठी सिल्व्हर ओकवर
खरेदी येथील एका एचपीसीएल पेट्रोलपापं चालकाने सांगितले की, शनिवारी देखील त्यांचच पंपावर काही दिवसांप्रमाणेच गर्दी होती. मात्र पुरवठा अनियमित होत असल्याने अडचणी वाढल्या आहेत. कधी पूर्ण पुरवठा मिळतो, तर काही दिवशी अजिबात पुरवठा होत नाही, असे त्यांनी सांगितले. शिवाजीनगरमधील एका पेट्रोलपंप मालकाने सांगितले की, शुक्रवारपासूनच कंपन्यांनी मिश्र स्वरूपातील पुरवठा सुरू केला होता. माझा पापं शुक्रवारपासून बंद होता. शनिवारी पेट्रोल मिळाल्यानंतर पुन्हा सुरू करता आला, असे त्यांनी सांगितले. कंपन्या आता 3 हजार लिटर पेट्रोल आणि 9 हजार लिटर डिझेल किंवा 6-6 हजार लिटर अशा स्वरूपात पुरवठा करत आहेत. प्रत्यक्ष गरजेच्या तुलनेत हे प्रमाण खूपच कमी आहे, असे देखील त्यांनी स्पष्ट केले.
दरम्यान, दोन-तीन दिवसांत इंधनदर वाढल्यानंतर नागरिकांमध्ये अधिक चिंतेचे वाताववरं निर्माण झाले असून, अनेक जण भविष्यात इंधनटंचाई वाढू शकते या भीतीने जास्त प्रमाणात इंधन भरून घेत असल्याचे पेट्रोलपंप चालकांचे म्हणणे आहे.