Pune Solapur Highway Traffic Changes : सोलापूर मार्गावरील वाहतूक व्यवस्थेत (Pune ) आज मोठा बदल करण्यात आला आहे. मम्मादेवी चौक ते अर्जुन रस्ता टी-जंक्शन दरम्यान जलवाहिनी टाकण्याचे काम सुरू होणार असल्यामुळे वाहतुकीचा नव्याने आराखडा लागू केला गेला आहे.
वाहतूक बदल पुढीलप्रमाणे
1. सोलापूरकडून स्वारगेटला जाणारी वाहतूक
सोलापूरकडून स्वारगेटकडे जाणाऱ्या वाहनांमध्ये कोणताही बदल करण्यात आलेला नाही. ही वाहने अर्जुन रस्ता, मम्मादेवी चौक मार्गे सरळ स्वारगेटकडे जातील.
2. स्वारगेटकडून सोलापूरकडे जाणारी वाहतूक
स्वारगेटकडून सोलापूरकडे जाणाऱ्या वाहनांसाठी मम्मादेवी चौकात सरळ जाण्यास बंदी आहे. या वाहनांना डावीकडे वळून बिशप सर्कलमार्गे उजवीकडे वळून सोलापूर रस्त्याला जावे लागेल. हा मार्ग एकेरी करण्यात आला आहे.
3. सोलापूरकडून येणाऱ्या वाहनांसाठी मार्ग
सोलापूरकडून येणाऱ्या वाहनांना सरळ मम्मादेवी चौक व गोळीबार चौक मार्गे इच्छित स्थळी जाण्यास परवानगी आहे. मात्र, मम्मादेवी चौकात उजवीकडे वळण्यास बंदी आहे. या वाहनांना गोळीबार चौकातून लष्कर मार्गे प्रवास करावा लागेल.
4. डॉ. कोयाजी रस्त्याने येणारी वाहने
डॉ. कोयाजी रस्त्याने येणाऱ्या वाहनांना हरप्रीत मंदिर चौकात उजवीकडे वळून खाणे मारुती चौक व पूलगेट बस स्थानक मार्गे कोंढव्याकडे जाण्याचा सल्ला देण्यात आला आहे.
नागरिकांसाठी महत्त्वाचा सल्ला
वाहतूक विभागाने नागरिकांना या बदलांबद्दल सतर्क राहण्याचे आवाहन केले आहे. तसेच, प्रवाशांनी प्रवासाच्या वेळेची योजना करताना या बदलांचा विचार करावा.
मार्गदर्शक सूचना-
जलवाहिनी टाकण्याच्या या कामामुळे पाणीपुरवठा व्यवस्थेत सुधारणा होईल, अशी अपेक्षा आहे. मात्र, कामाच्या कालावधीत स्थानिक रहिवाशांनी आणि वाहनचालकांनी दिलेल्या मार्गदर्शक सूचनांचे पालन करणे आवश्यक आहे. पुणे-सोलापूर मार्गावरील या वाहतूक बदलांमुळे प्रवासात काहीसा त्रास होऊ शकतो.
