Wall Collapse : सागर जिल्ह्यातील शाहपूरमध्ये एका घराची भिंत कोसळून 9 मुलांचा मृत्यू झाला आहे. यामध्ये आणखी आठ ते दहा मुलं जखमी झाली असून, त्यांना उपचारासाठी सागर जिल्हा रुग्णालयात दाखल करण्यात आलं आहे. शाजापूर येथील हरदौल मंदिरात शिवलिंगाचे अवशेष बांधले जात होते. दरम्यान, मंदिर परिसराजवळ असलेल्या घराची भिंत अचानक कोसळली. (Collapse) या भिंतीखाली अनेक मुले गाडली गेली. यातील नऊ जणांचा मृत्यू झाला, तर अनेक जखमी असून त्यांच्यावर उपचार सुरू आहेत.
पुण्यात रात्रभर संततधार, नाशकात कोसळ धार, विदर्भात जोरधार या जिल्ह्यांना रेड अलर्ट
हा अपघात मध्य प्रदेशातील सागर जिल्ह्यात घडली आहे. अपघातात प्राण गमावलेल्या आणि जखमी झालेल्या मुलांचे वय 10 ते 14 वर्षांच्या दरम्यान आहे. मुख्यमंत्री मोहन यादव यांनी मृतांच्या कुटुंबीयांना प्रत्येकी चार लाख रुपयांची भरपाई जाहीर केली आहे. घराची भिंत कोसळल्याने हा अपघात झाला. ही भिंत 50 वर्षांची होती. भिंतीच्या बाहेरील बाजूस प्लास्टर नव्हते. अशा स्थितीत पावसाच्या पाण्याने भिंत कमकुवत होत राहिल्याने ही दुर्घटना घडली.
वायनाड दुर्घटनेनंतर तिसरीतील विद्यार्थ्याचे पत्र होतेय व्हायरल INDIAN ARMY ने केलं ट्वीटवर पोस्ट
दुर्घटनेनंतर बुलडोझरच्या साह्याने पडलेल्या भिंतीचा ढिगारा हटवण्यात आला असून, पुढील कोणतीही दुर्घटना घडू नये म्हणून उर्वरित भिंतही पाडण्यात आली आहे. भिंत कोसळल्याने ढिगाऱ्याखाली दबून 9 मुलांचा मृत्यू झाल्याची माहिती सागरचे जिल्हाधिकारी दीपक आर्य यांनी दिली. काही मुले जखमी झाली असून त्यांच्यावर उपचार सुरू आहेत.
