मुंबई : केंद्र सरकारने मोठा होळीपूर्वी सर्वसामान्यांना दिलासा देत एक महत्वाचा निर्णय घेतला आहे. तूर डाळीवरील आयात शुल्क पूर्णपणे रद्द करण्याचा निर्णय सरकारने घेतला आहे. आता संपूर्ण तूर डाळ बाहेरून आयात करण्यासाठी कोणतेही आयात शुल्क भरावे लागणार नाही, त्यामुळे डाळ स्वस्त होणार आहे. आतापर्यंत सरकारने तूर डाळीवर 10 टक्के आयात शुल्क लावले होते, ते आता पूर्णपणे रद्द करण्यात आले आहे.
संपूर्ण तूर डाळीवरील शुल्क हटवण्याचा आदेश अर्थ मंत्रालयाने नुकताच जारी केला आहे. हा आदेश 4 मार्चपासून लागू करण्यात आला आहे. पुढील आठवड्यात होळी आहे, त्यामुळे होळीपूर्वी स्वस्तात डाळ खरेदी करण्याची संधी लोकांना मिळणार आहे.
‘त्या’ तोतऱ्याला खरा हातोडा झेपल का? उद्धव ठाकरेंची सोमय्यांवर टीका
गेल्या वर्षी नोव्हेंबरमध्ये केंद्र सरकारने तूर डाळीबाबत आदेश जारी केला होता. या आदेशात सरकारने म्हटले होते की, तूर डाळीच्या व्यापाऱ्यांना त्यांच्या देशातील साठ्याची प्रत्येक माहिती राज्य सरकारला द्यावी लागेल. तुमचा स्टॉक FCI पोर्टलवर नियमितपणे घोषित करावा लागेल. यासोबतच सर्व राज्यांचे सरकार त्यावर लक्ष ठेवणार आहे. त्यामुळे डाळींचा काळाबाजार आणि वाढत्या किमतीला आळा बसेल. हा नियम देशातील सर्व व्यापारी, आयातदार, आयातदार आणि स्टॉक यांना लागू असेल.
अजय देवगणचा ‘भोला’ चित्रपटाचा ट्रेलर या दिवशी होणार प्रदर्शित
कृषी मंत्रालयाच्या आकडेवारीनुसार, 2022-23 पीक वर्षात (जुलै-जून) तूर उत्पादन 3.89 दशलक्ष टन राहण्याचा अंदाज आहे, जे मागील वर्षी 4.34 दशलक्ष टन होते. देशात 2021-22 मध्ये सुमारे 7.6 लाख टन तूर आयात करण्यात आली. केंद्राने कच्च्या तेलावरील विशेष अतिरिक्त उत्पादन शुल्क 4400 रुपये प्रति टन करण्याची घोषणाही केली आहे. त्यानंतर 15 फेब्रुवारीपासून ते 4350 रुपये प्रति दराने चालू आहे.
