Yoga guru Dr. Pawan Singhal Passes Away : मध्य प्रदेशातील अशोकनगर जिल्ह्यातील प्रसिद्ध पशुवैद्य आणि योगगुरू डॉ. पवन सिंघल यांचं हृदयविकाराच्या झटक्यानं निधन झालं. ते शादोरा येथील तुळशी सरोवर उद्यानाजवळ (Singhal ) योगासन करण्यासाठी जात असताना ही दुर्दैवी घटना घडली. स्थानिकांनी त्यांना बेशुद्धावस्थेत जवळच्या जिल्हा रुग्णालयात नेलं. मात्र, डॉक्टरांनी त्यांनी तपासून मृत घोषीत केलं.
Viral Video : योगा करणं महिलेला पडलं महागात ! तोल गेला अन्पा हा नेमकं काय घडलं
डॉ. पवन सिंघल हे एका दशकाहून अधिक काळापासून योगाचा सक्रियपणे प्रचार करत होते. योगा क्षेत्रातील त्यांच्या निपुणतेसाठी ते शहरात सर्वत्र प्रसिद्ध होते. 2022 मध्ये त्यांनी केवळ 11 तासांत 100 किमी धावून मोठा पराक्रम गाजवला होता. दररोज 50 ते 70 किमी धावणे आणि दोन ते तीन हजार सूर्यनमस्कार करणे, हे त्यांच्यासाठी नित्याचेच असायचे. ज्या लोकांना त्यांनी योग शिकवला, त्यांनाही सिंघल यांनी नियमित धावण्यासाठी प्रोत्साहित केलं.
डॉ. पवन सिंघल हे गेल्या 5-6 वर्षांपासून अशोकनगर येथील तुळशी सरोवर येथे ‘पतंजली कायकल्प योग इनिशिएटिव्ह’ अंतर्गत योगाचे वर्ग घेत होते, ज्यामुळे अनेकांना शिस्तबद्ध जीवनशैली अंगीकारण्याची प्रेरणा मिळाली. स्वत:ची काळजी आणि निरोगीपणाच्या महत्त्वावर भर देणारी सत्रे नियमितपणे आयोजित करण्यासाठी ते ओळखलं जायचं.आकस्मिक निधनाच्या एक दिवस आधी त्यांनी सोशल मीडियावर नवदुर्गादरम्यान होणाऱ्या योग आणि यज्ञ विधींची माहिती दिली होती.
