Rain Update: दोन दिवसांपासून देशातील अनेक राज्यांमध्ये मुसळधार पाऊस पडत आहे. मैदानापासून डोंगरापर्यंत पावसामुळे लोकांचे हाल झाले आहेत. संततधार पावसामुळे देशातील विविध भागात आतापर्यंत सुमारे 20 जणांना जीव गमवावा लागला आहे. येत्या काही दिवसांत आणखी मुसळधार पावसाची शक्यता हवामान खात्याने वर्तवली आहे. हिमाचल प्रदेश आणि उत्तराखंडमध्ये पुढील 24 तासांसाठी रेड अलर्ट जारी करण्यात आला आहे.(many-people-died-in-heavy-rain-in-delhi-himachal-pradesh-uttarakhand-and-other-states-imd-prediction-on-monsoon)
जुलैच्या पहिल्या आठ दिवसांत झालेल्या पावसाने देशभरात पावसाची कमतरता भरून काढली, असे हवामान खात्याने रविवारी (9 जुलै) सांगितले. पावसाळ्यात आतापर्यंत एकूण 243.2 मिमी पाऊस झाला असून, तो सरासरीपेक्षा दोन टक्के अधिक आहे. राजधानी दिल्लीत दोन दिवसांपासून सुरू असलेल्या पावसामुळे अनेक भागात पाणी साचले आहे.
दिल्लीत शाळेला सुट्टी
सोमवारी दिल्लीतील शाळांनाही सुट्टी जाहीर करण्यात आली आहे. मुख्यमंत्री अरविंद केजरीवाल यांनी ट्विट केले की, दिल्लीत गेल्या 2 दिवसांपासून सुरू असलेला मुसळधार पाऊस आणि हवामान खात्याने दिलेला इशारा लक्षात घेऊन सोमवारी दिल्लीतील सर्व शाळा एका दिवसासाठी बंद ठेवल्या जात आहेत.
40 वर्षांचा विक्रम मोडला
रविवारी सकाळी 8.30 वाजेपर्यंत दिल्लीत गेल्या 24 तासांत 153 मिमी पाऊस पडला, जो 1982 पासून जुलै महिन्यातील एका दिवसातील सर्वाधिक आहे. वेस्टर्न डिस्टर्बन्स आणि मान्सून वारे यांच्यातील संवादामुळे दिल्लीसह उत्तर-पश्चिम भारतात मुसळधार पाऊस पडत आहे. येथील अनेक भागात मोठ्या प्रमाणात पाणी साचले आहे. दिल्लीत पावसामुळे फ्लॅटचे छत कोसळल्याने एका 58 वर्षीय महिलेचा मृत्यू झाला आहे.
हिमाचलमध्ये अतिवृष्टीमुळे पाच जणांचा मृत्यू
शिमला जिल्ह्यातील कोठगढ भागात भूस्खलनामुळे एक घर कोसळल्याचे अधिकाऱ्यांनी सांगितले. ज्यामध्ये कुटुंबातील तिघांचा मृत्यू झाला. कुल्लू शहरातही भूस्खलनामुळे एका तात्पुरत्या घराचे नुकसान झाले असून त्यात एका महिलेचा मृत्यू झाला आहे. दुसर्‍या अपघातात, चंबा तहसीलमधील कटियान येथे शनिवारी रात्री भूस्खलनाच्या खाली एक व्यक्ती गाडला गेला.
राहुल गांधींकडे ‘ही’ खास बाईक, मेकॅनिकसमोर सगळं काही सांगितलं
उत्तराखंडमध्ये आठ जणांचा मृत्यू
अशीच स्थिती उत्तराखंडची आहे. राज्यात गेल्या 24 तासात सरासरीपेक्षा 2.5 ते 3 पट जास्त पाऊस झाला आहे. राज्यातील अनेक जिल्ह्यांना रेड अलर्ट जारी करण्यात आला आहे. दरड कोसळण्याची शक्यता असल्याने सरकारने लोकांना सावधगिरीने प्रवास करण्याचे आवाहन केले आहे. 11-12 जुलैसाठी, कुमाऊं आणि त्याच्या लगतच्या गढवाल, चमोली भागात खूप मुसळधार ते अति मुसळधार पावसाची शक्यता आहे.
नद्यांना पूर
सततच्या पावसामुळे गंगेसह राज्यातील प्रमुख नद्यांच्या पाणीपातळीतही वाढ झाली आहे. टिहरी गढवाल जिल्ह्यातील मुनी की रेती भागात केदारनाथहून परतणारी एक जीप भूस्खलनाच्या तडाख्यात नियंत्रणाबाहेर गेली आणि गंगा नदीत पडली, त्यात सहा यात्रेकरूंचा बुडून मृत्यू झाला. राज्य आपत्ती प्रतिसाद दलाचे (एसडीआरएफ) निरीक्षक कविंद्र सजवान यांनी सांगितले की, गोताखोरांच्या मदतीने अपघातात बळी पडलेल्या तीन यात्रेकरूंचे मृतदेह बाहेर काढण्यात आले आहेत, तर इतर तिघांच्या शोधासाठी मोहीम राबवली जात आहे.
हरियाणा, पंजाब, चंदीगडमध्येही मुसळधार पाऊस
हरियाणा, पंजाब, चंदीगडमध्ये पावसाचा कहर पाहायला मिळत आहे. चंदीगडच्या मोहालीमध्ये संततधार पावसामुळे डेरा बस्सी शहरातील गृहनिर्माण सोसायट्यांमध्ये पाणी साचले आहे. पाणी साचल्याने वाहने पाण्याखाली गेली होती. राष्ट्रीय आपत्ती प्रतिसाद दलाचे पथक घटनास्थळी हजर आहेत. डेरा बस्सीचा गुलमोहर विस्तार जलमय झाला आहे. NDRF ने सुमारे 82-85 लोकांना वाचवले आहे.
