Sanjiv Bhasin : शेअर मार्केटमधल्या कथित हेराफेरीच्या प्रकरणात संजीव भसीन (Sanjiv Bhasin) यांची शेअर बाजार नियामक सेबी ही संस्था चौकशी करत आहे. (Stock Market) या प्रकरणाशी थेट संबंधित असलेल्या लोकांनी मनीकंट्रोलला याबाबत माहिती दिली आहे. भसीन हे आयआयएफएल सिक्युरिटीजशी संबंधित आहेत. भसीन हे देशातल्या व्यावसायिक टीव्ही चॅनेल्सवरचा एक प्रसिद्ध चेहरा आहेत. ते स्टॉक आणि मार्केट सेंटिमेंटबद्दलच्या चर्चांमध्ये सहभागी होत असतात.
कार्यकाळ मुदतीपूर्वीच समाप्त सॅम पित्रोदा पुन्हा इंडियन ओव्हरसीज काँग्रेसच्या अध्यक्षपदी; भाजपकडून जोरदार टीका
सूत्रांनी दिलेल्या माहितीनुसार, तपासाचा भाग म्हणून सेबीने भसीन यांच्या डिजिटल उपकरणांची तपासणी करून पुरावे गोळा करण्यात येत आहेत. मनीकंट्रोलने विचारलेल्या प्रश्नांना भसीन आणि सेबीने उत्तर दिलेलं नाही. आयआयएफएल सिक्युरिटीजने मनीकंट्रोलला सांगितलं, की भसीन त्यांच्या संचालक मंडळाचे सदस्य नव्हते. त्यांचा कार्यकाळ मुदतीपूर्वीच समाप्त करण्यात आला होता.
आयआयएफएलकडून स्पष्टीकरण
आयआयएफएल सिक्युरिटीजने एका निवेदनात “संजीव भसीन हे आयआयएफएल सिक्युरिटीजमध्ये कॉन्ट्रॅक्टवर सल्लागार होते. त्यांचा कार्यकाळ 30 जून 2024 रोजी संपणार होता. पण आरोग्याच्या कारणांमुळे भसीन यांचा करार 17 जून 2024 रोजी समाप्त करण्यात आला. भसीन यांनी आम्हाला सेबीच्या तपासाविषयी माहिती दिली होती. पण तपासाचं तपशील त्यांनी उघड केलं नव्हतं. त्यामुळे आम्ही याबाबत भाष्य करू शकणार नाही. ते आयआयएफएल सिक्युरिटीज लिमिटेडच्या संचालक मंडळाचं किंवा आमच्या समूहाच्या इतर कोणत्याही कंपनीचं किंवा सहयोगी फर्मचे सदस्य नव्हते” असं स्पष्टीकरण आयआयएफएलकडून देण्यात आलं आहे.
भसीन यांच्या सहभागाचे पुरावे
प्राथमिक तपासात समोर आलेल्या माहितीनुसार, भसीन अगोदर एका खासगी कंपनीला काही शेअर्स खरेदी करण्याची सूचना देत होते. त्यानंतर टीव्हीवर येऊन त्याच शेअर्सची शिफारस प्रेक्षकांना करत होते. शेअर्समध्ये किरकोळ गुंतवणूकदारांचा सहभाग वाढला आणि त्यांच्या किमती वाढल्या, की संबंधित खासगी कंपनी हे शेअर्स विकून मार्केटमधून बाहेर पडायची. याला शेअर मार्केटच्या भाषेत ‘पंप अँड डंप स्कीम’ म्हणतात. भसीन आणि या खासगी कंपनीतल्या संबंधांचाही तपास सुरू आहे. दोन सूत्रांनी सांगितलं, की सेबीला गेल्या काही वर्षांच्या डिजिटल रेकॉर्डवरून या प्रकरणामध्ये भसीन यांच्या सहभागाचे पुरावे मिळाले आहेत.
भसीन यांच्या सहभागाचे पुरावे पेपरलीक, तिसरी अर्थव्यवस्था, जम्मू काश्मीर अन् विरोधकांची घोषणाबाजी.. राष्ट्रपतींच्या भाषणात काय?
संजीव भसीन यांनी गेल्या काही दिवसांपासून टीव्हीवर आपली उपस्थिती कमी केली आहे. एवढंच नाही, तर सोशल मीडियावर ते आपल्या फॉलोअर्सचे ट्विट्स रिट्विट करत आहेत. या ट्विट्समध्ये फॉलोअर्सनी त्यांचे आभार मानलेले आहेत. 15 जूनपासून ते आता टीव्हीवर का दिसत नाही? असा प्रश्न उपस्थित होतोय. दरम्यान, असं म्हटलं जात आहे, की 15 जूनपासूनच सेबीने संजीव भसीन यांच्या चौकशीला गती दिली होती. मीडिया प्लॅटफॉर्म, विशेषत: टीव्ही चॅनेलच्या स्टॉकच्या किमतींमध्ये फेरफार करण्याचा प्रयत्न करणाऱ्या मार्केट तज्ज्ञांवर सेबी गेल्या काही दिवसांपासून कारवाई करत आहे.
