Online Shopping Tips : ऑनलाईन शॉपिंग खूप सुविधाजनक आहे त्यामुळे (Online Shopping Tips) आता हा ट्रेंड वेगाने वाढत चालला आहे. घरबसल्या ऑर्डर करून लोक वस्तू मागवत असतात. पण या लोकांसाठी एक डोकेदुखीचीही बातमी आहे. आता भामट्यांनी आपला मोर्चा या ऑनलाईन शॉपिंगकडे वळवला आहे. लोकांची फसवणूक करण्यासाठी (Cyber Crime) या भामट्यांकडून एकापेक्षा एक आयडिया वापरल्या जातात. पण यातून कसे सेफ राहायचे याची माहिती जाणून घेऊ या..
खरंतर ऑनलाईन शॉपिंग करणाऱ्या लोकांना सरकारने महत्वाच्या सूचना दिल्या आहेत. या सूचना जर पाळल्या तर ऑनलाईन फसवणूक (Online Scam) करणाऱ्या लोकांपासून सुरक्षित राहू शकाल. केंद्रीय गृह मंत्रालयाच्या अंतर्गत काम करणाऱ्या Cyber Dost ने जनजागृती करण्यासाठी एक खास मोहीम सुरू केली आहे. Cyber Dost च्या अधिकृत X अकाउंटवरून एक पोस्ट शेअर करण्यात आली आहे. बनावट वेबसाईट आणि फिशिंग डिलिवरी टेक्स्टशी संबंधित प्रकरणे वेगाने वाढत आहेत असे या पोस्टमध्ये म्हटले आहे.
फेक वेबसाईटवर (Fake Website) डोळे झाकून विश्वास करू नका. फक्त आणि फक्त विश्वासार्ह वेबसाइटद्वारेच ऑनलाइन शॉपिंग करा. या पोस्टसोबत एक फोटो शेअर करण्यात आला आहे. यात म्हटलं आहे की तुमच्या कार्टमध्ये असलेली प्रत्येक वस्तू सुरक्षित नाही. तुमची ऑर्डर होल्डवर आहे. येथे क्लिक करून पेमेंट कन्फर्म करा. जर तुम्ही सरकारचा सल्ला ऐकला नाही तर सायबर चोर तुमचे अकाउंट खाली करू शकतात.
ऑनलाईन शॉपिंग करणाऱ्या लोकांना डिस्काउंट, कॅशबॅक यांसारख्या ऑफर्स देऊन जाळ्यात ओढण्याचे काम केले जाते. लोकांना फसवण्यासाठी जाळे तयार केले जाते. ऑनलाईन फसवणूक नेमकी कशा पद्धतीने होते याची माहिती घेऊ
फेक वेबसाईट
ओरिजनल वेबसाइटची हुबेहूब दिसणारी बनावट वेबसाईट तयार केली जाते. त्यामुळे ग्राहकांना यात फरक करता येत नाही. आपण ओरिजनल वेबसाइटवरूनच खरेदी करतोय असा त्यांचा समज होतो. ज्यावेळेस एखादा ग्राहक ऑर्डर प्लेस करून पेमेंट करतो त्यानंतर लागलीच ही वेबसाइट गायब होऊन जाते.
Online shopping scam alert!
Fake sites & phishing delivery texts are on the rise.
🛑 Don’t click blindly.
✅ Shop only on trusted platforms.
Scammed? Call 1930 or visit https://t.co/pVyjABtwyF#CyberDost #EcommerceFraud #StayAlertShopSmart pic.twitter.com/W1qvLAIPSl— CyberDost I4C (@Cyberdost) June 22, 2025
फिशिंग डिलिवरी टेक्स्ट
फसवणूक करणारे तुम्हाला टेक्स्ट किंवा इमेल करून तुमची ऑर्डर होल्डवर आहे त्यासाठी पेमेंट कन्फर्मशनची गरज आहे असे सांगितले जाते. मेसेज किंवा मेलवर एक लिंक पाठवली जाते. लिंकवर क्लिक केल्यानंतर एक बनावट वेबसाईट ओपन होते. येथे पेमेंट करण्यासाठी कार्ड डिटेल टाकताच तुमचा डेटा चोरी केला जातो.
बनावट जाहिराती
फसवणूक करणारे सायबर भामटे सोशल मीडियावर दिशाभूल करणाऱ्या आणि खोट्या जाहिराती शेअर करतात. यात अनेक ऑफर्स, मोठ्या डिस्काउंटचे आमिष दाखवले जाते. या जाहिरातीबरोबर एक लिंक देखील शेअर केली जाते. या लिंकवर क्लिक केल्यास तुम्ही एक अन व्हेरिफाइड वेबसाईटवर पोहोचता. येथूनच महत्त्वाची माहिती चोरी करून संबंधित व्यक्तीचे आर्थिक केले जाते.
सेफ राहण्यासाठी काय कराल
अनोळखी नंबर आणि ईमेलच्या माध्यमातून आलेल्या लिंकवर चुकूनही क्लिक करू नका.
ऑफर्स आणि डिस्काउंट मिळेल या अपेक्षेने अनोळखी वेबसाईटवरून शॉपिंग करू नका.
ज्या वेबसाइटवर शॉपिंग करत आहात त्या वेबसाइटचे यूआरएल जरूर चेक करा. जर वेबसाईट बनावट असेल तर यात तुम्हाला नक्कीच काहीतरी गडबड दिसून येईल.
Cyber Crime Helpline Number
एखाद्या व्यक्तीला वाटले की आपल्यासोबत ऑनलाइन स्कॅम झाला आहे तर अशा वेळी वेळ न गमावता नॅशनल हेल्पलाइन नंबरवर कॉल करणे फायद्याचे ठरेल. या ठिकाणी कॉल करून तक्रार दाखल करता येईल. किंवा cybercrime.gov.in या वेबसाइटवर जाऊनही तक्रार दाखल करता येईल.
सेकंड हँड कार खरेदी करताय? मग ‘या’ 5 गोष्टी लक्षात ठेवाच, नाहीतर होईल फसवणूक..
