Atul Londhe On Sanjay Raut : होळीनिमित्त काँग्रेसचे माजी प्रदेशाध्यक्ष नाना पटोले (Nana Patole) यांनी राज्याचे दोन्ही उपमुख्यमंत्री एकनाथ शिंदे (Eknath Shinde) आणि अजित पवार (Ajit Pawar) यांना काॅंग्रेसमध्ये (Congress) येण्याची ऑफर दिली होती. त्यानंतर राजकीय वर्तुळात अनेक चर्चांना उधाण आले आहे. तर यावर बोलताना ठाकरे गटाचे खासदार संजय राऊत (Sanjay Raut) यांनी नाना पटोलेंची ही ऑफर ऐकून माझी वाचा गेली, नाना पटोले आमचे सहकारी आहेत जेष्ठ नेते आहे. राजकारणात काहीही अशक्य नसतं. राजकारणात सर्व शक्यता असतात. नाना पटोले यांनी ऑफर दिली असेल तर आम्ही त्यांच्याशी चर्चा करू अशी प्रतिक्रिया त्यांनी दिली होती. तर आता काॅंग्रेसचे प्रवक्ते अतुल लोंढे (Atul Londhe) यांनी देखील यावर प्रतिक्रिया देत येणाऱ्या काळात प्रवेशासाठी काँग्रेसच्या दारामध्ये रांगा लागणार असा विश्वास व्यक्त केला आहे.
माध्यमांशी बोलताना काॅंग्रेस प्रवक्ते अतुल लोंढे म्हणाले की, या ज्या चर्चा सुरु झाल्या आहेत त्यांना काँग्रेसमध्ये यायचं होतं यातून राजकीय संकेत स्पष्ट आहे. भाजप या देशाला आर्थिक, सामाजिक एकात्मतेच्या दृष्टीने पुढे घेऊन जाऊ शकत नाही. त्यामुळे काँग्रेस शिवाय पर्याय नाही अशी लोकांमध्ये जनमानसिकता तयार होत असताना इतर लोकांमध्ये देखील चलबिचल वाढल्या आहेत. भाजप आपल्याला संपवत आहे मात्र काॅंग्रेस सोबत घेऊन चालतंय हे सर्वांचे लक्षात आले आहे त्यामुळे येणाऱ्या काळात प्रवेशासाठी काँग्रेसच्या दारामध्ये रांगा लागतील. अशी प्रतिक्रिया माध्यमांशी बोलताना काॅंग्रेस प्रवक्ते अतुल लोंढे यांनी दिली.
नेमकं काय म्हणाले होते संजय राऊत?
माध्यमांशी बोलताना खासदार संजय राऊत यांनी आज नाना पटोले यांच्या ऑफरवर प्रतिक्रिया देत म्हणाले की, नाना पटोलेंची ऑफर ऐकून माझी वाचा गेली, मी यावर काय बोलू शकतो, नाना पटोले जेष्ठ आहे ते आमचे सहकारी आहेत. राजकारणात काही अशक्य नसतं, राजकारणात सर्व काही शक्य आहे. नाना पटोले यांनी ऑफर दिली आहे तर आम्ही त्यांच्याशी चर्चा करु, असं माध्यमांशी बोलताना संजय राऊत म्हणाले होते.
तसेच एकनाथ शिंदे तेव्हा काँग्रेसमध्ये जाणार होते, पृथ्वीराज चव्हाणांना विचारा… अहमद पटेल आता नाहीत, पण एकनाथ शिंदेंची दिल्लीत त्यांच्याशी पहाटे चर्चा झाली होती, हे सर्वांत जास्त मला माहिती आहे. असा दावा देखील त्यांनी यावेळी केला.
हा प्रश्न आहे का? जय पवारांबद्दल विचारताच, शरद पवार पत्रकारांवर भडकले
तर एकनाथ शिंदेंच्या भगव्या रंगाशी आमचा काहीही संबंध नाही, त्यांचा भाजपशी संबंध आहे. एकनाथ शिंदेंचा भगवाशी काही संबंध नाही. भाजपच्या ताटाखालचे मांजर झाली आहे. त्यांच्या हाती भाजपचा झेंडा आहे. असं देखील यावेळी ठाकरे गटाचे खासदार संजय राऊत म्हणाले होते.
