Chandrakant Patil Offer Vishal Patil To Join BJP : भाजपने सांगलीचे खासदार विशाल पाटील (Vishal Patil) यांना पुन्हा एकदा सोबत येण्याची ऑफर दिली आहे. भाजपचे (BJP) वरिष्ठ नेते आणि कॅबिनेट मंत्री चंद्रकांत पाटील यांनी म्हटलंय की, विशाल पाटील यांनी भाजपामध्ये यावं, यासाठी सारखं म्हणत राहणार. दरम्यान कॉंग्रेसेचे (Congress) नेते संग्राम थोपटे हे भाजपच्या वाटेवर आहे, असं असतानाच चंद्रकांत पाटील (Chandrakant Patil) यांनी हे वक्तव्य केलंय. त्यामुळे आता राजकीय वर्तुळात नवी चर्चा सुरू झाली आहे.
भाजपचे नेते चंद्रकांत पाटील सांगली (Sangli) दौऱ्यावर होते. या दरम्यान त्यांनी पुन्हा एकदा विशाल पाटलांना भाजपसोबत येण्याची ऑफर दिलीय. विशाल पाटील हे हुशार अन् तरूण आहेत, त्यामुळं मी सारखंच हे म्हणत राहणार असं (Maharashtra Politics) देखील चंद्रकांत पाटील यांनी स्पष्ट केलंय. विशाल पाटलांनी भाजपमध्ये यावं, विशाल पाटलांनी भाजपमध्ये यावं असा सूर चंद्रकांत पाटलांनी लावून धरलाय.
अफगाणिस्तानचे खेळाडू सर्वात गरीब, ऑस्ट्रेलिया गब्बर; जाणून घ्या, टॉप 10 देशांच्या खेळाडूंचा पगार
विशाल पाटील यांना खूप प्रश्नांची जाण आहेत. त्यामुळे असा चांगला माणूस पक्षात यावा, असं मी सारखंच म्हणत राहणार. तर अजित पवार यांनी संजय काका पाटील यांचं पूनर्वसन करावं. त्यांनी भाजपकडून लोकसभा निवडणूक लढवली होती. होती. परंतु विधानसभा निवडणुकीमध्ये त्यांनी अजित पवारांच्या राष्ट्रवादी कॉंग्रेसमध्ये प्रवेश केला होतो. तर रोहित पाटील यांनी त्यांचा तासगाव मतदारसंघातून पराभव केला होता.
“ज्याप्रकारे तुझ्या बापाची हत्या झाली तसाच तुलाही..”, झिशान सिद्दीकींना धमकीचा ई मेल; तपास सुरू..
सध्या संजयकाका पाटील अजित पवारांच्या राष्ट्रवादीमध्ये आहेत. त्यामुळे संजयकाका पाटील यांचं पुनवर्सन अजित पवार यांनी करायचं आहे. जुने नेते अन् जुने मित्र असल्यामुळे संजयकाकांचं पुनर्वसन करण्यात आम्ही अजित पवार यांना मदत करू. विशाल पाटलांना महिनाभरात दुसऱ्यांदा भाजपमध्ये येण्याची ऑफर देण्याचं विधान चंद्रकांत पाटील यांनी केलंय. मार्च महिन्यात देखील चंद्रकांत पाटील म्हणाले होते की, राजकारणामध्ये नेहमी वर्तमानाचा विचार करून चालावं लागतं. त्यामुळेच विशाल पाटील भाजपसोबत आल्यास भाजपाचे केंद्रातील संख्याबळ वाढेल. सोबतच सांगलीच्या विकासाला देखील चालना मिळेल.
