भारतीय जनता पक्षाचे प्रदेशाध्यक्ष रवींद्र चव्हाण (Vikhe) यांच्या मार्गदर्शनाखाली सोमवारी, २४ ऑगस्ट २०२६ रोजी पक्षाच्या विविध प्रकोष्ठांच्या प्रभारी व सहप्रभारींच्या नियुक्त्या करण्यात आल्या. यामध्ये भाजपचे प्रदेश उपाध्यक्ष डॉ. सुजय विखे पाटील यांची आयुष्मान भारत प्रकोष्ठाच्या प्रदेश प्रभारीपदी नियुक्ती करण्यात आली आहे.
प्रदेश उपाध्यक्षपदाची जबाबदारी स्वीकारल्यानंतर पक्षाने डॉ. विखे पाटील यांच्याकडे आणखी एक महत्त्वाची जबाबदारी सोपविली आहे. पक्ष संघटनेच्या कामात विविध स्तरांवर सक्रिय सहभाग घेतल्याची दखल घेत ही जबाबदारी देण्यात आल्याचे भाजपच्या कार्यकर्त्यांकडून सांगण्यात आले.
डॉ. सुजय विखे पाटील यांनी आरोग्य, सामाजिक आणि राजकीय क्षेत्रात सातत्याने काम केले आहे. प्रदेश उपाध्यक्ष म्हणून जबाबदारी स्वीकारल्यानंतरही त्यांनी राज्यातील पदाधिकारी आणि कार्यकर्त्यांशी संपर्क कायम ठेवत पक्ष संघटनेच्या कामात सक्रिय सहभाग घेतला आहे. आता आयुष्मान भारत प्रकोष्ठाच्या प्रदेश प्रभारीपदाची जबाबदारी मिळाल्याने केंद्र शासनाच्या आरोग्यविषयक योजनांची माहिती सर्वसामान्यांपर्यंत पोहोचविण्यात त्यांची भूमिका महत्त्वाची ठरणार आहे.
प्रदेशाध्यक्ष रवींद्र चव्हाण यांच्या मार्गदर्शनाखाली डॉ. विखे पाटील यांच्यावर सातत्याने नव्या जबाबदाऱ्या सोपविल्या जात आहेत. प्रदेश उपाध्यक्षपदानंतर आयुष्मान भारत प्रकोष्ठाच्या प्रदेश प्रभारीपदी झालेली नियुक्ती ही पक्ष नेतृत्वाचा त्यांच्यावरील विश्वास अधोरेखित करणारी असल्याची भावना व्यक्त होत आहे. या नियुक्तीबद्दल भाजप पदाधिकारी आणि कार्यकर्त्यांनी डॉ. विखे पाटील यांचे अभिनंदन केले.