Lok Sabha Election Sunetra Pawar prayer to Kalbhairvnath : संपूर्ण राज्याचे लक्ष लागून असलेल्या बारामती लोकसभा ( Lok Sabha Election ) मतदारसंघाच्या महायुतीच्या उमेदवार आणि उपमुख्यमंत्री अजित पवार यांच्या पत्नी सुनेत्रा पवार ( Sunetra Pawar ) यांचा सध्या जोरदार प्रचार सुरू आहे. यामध्ये कधी भावनिक तर कधी कणखर होत. त्या मतदारांना मतदानाचे आवाहन करत आहेत. त्यात आता सुनेत्रा पवारांनी विजयासाठी प्रचारादरम्यान काळभैरवनाथाला ( Kalbhairvnath ) साकडे घातले आहे.
हेमंत गोडसे भुजबळांवर कसे ठरले वरचढ; समजून घ्या नाशिकचं समीकरण…
सुनेत्रा पवार आज पुरंदर हवेली प्रचार दौऱ्यावर असताना उरळी देवाची येथील जागृत काळभैरवनाथ मंदिराला त्यांनी भेट दिली. यावेळी उरळी देवाची ग्रामस्थांनी मोठ्या उत्साहात त्यांचे स्वागत केले. यावेळी त्यांनी काळभैरवनाथाचे दर्शन घेतले. सुनेत्रा पवार यांनी काळभैरवनाथाचे दर्शन घेऊन बारामती लोकसभा मतदारसंघातील जनसामान्याची प्रश्न आणि अडचणी मार्गी लावण्याची ताकद मला दे असे काळभैरवनाथाकडे मागणे मागितले.
गणित मायनस नाही प्लस झालंय! रणजितसिंह नाईक निंबाळकरांनी सांगितला नवा फॉर्मूला
तसेच गावातून त्यांनी रॅली देखील काढली. त्यातून त्यांनी मतदारांना तसेच उपस्थित ग्रामस्थांना महायुतीला प्रचंड बहुमताने विजयी करण्याचे आवाहन केले. यावेळी महायुतीचे सर्व पदाधिकारी उपस्थित होते. या अगोदर निवडणुकीच्या रणांगणातून सुनेत्रा पवार थेट क्रिकेटच्या मैदानात ( played cricket ) उतरल्याचं पाहायला मिळालं होतं.
Pushpa 2: ‘पुष्पा 2’ चित्रपटामधील अल्लू अर्जुनचं नवीन पोस्टर रिलीज, जाणून घ्या…
पुण्यातील आंबेगावमध्ये प्रचार दौऱ्यावर असताना लेक विस्टा सोसायटीमध्ये रविवार असल्यामुळे सर्व नागरिक क्रिकेट खेळण्याचा आनंद घेत होते. त्याचवेळी सुनेत्रा वहिनी प्रचारासाठी तेथे पोहोचल्या. तेव्हा सर्व नागरिकांनी त्यांना क्रिकेट खेळण्याचा आग्रह केला. त्यांनी नागरिकांच्या आग्रहाला मान देत चक्क बॅट घेऊन क्रिकेटच्या मैदानात उतरल्या व विजयाचे चौकार व षटकार लगावले. त्यांनी विजयी षटकार लगावताच कार्यकर्त्यांचा जल्लोष यावेळी पाहायाला मिळाला. तसेच महायुतीच्या उमेदवाराला प्रचंड बहुमताने विजयी करा असे आवाहन केले. यावेळी महायुतीचे सर्व पदाधिकारी उपस्थित होते.
