आयसीसीचा नंबर-1 गोलंदाज रविचंद्रन अश्विनने वेस्ट इंडिजविरुद्धच्या पहिल्या कसोटी सामन्यात इतिहास रचला आहे. डॉमिनिका येथे खेळल्या जात असलेल्या पहिल्या कसोटी सामन्यात आर अश्विनने वेस्ट इंडिजच्या सलामीच्या जोडीला पॅव्हेलियनचा रस्ता दाखवला. कॅरेबियन संघाने 38 धावांच्या स्कोअरवर सुरुवातीच्या दोन्ही विकेट गमावल्या. अश्विनने वेस्ट इंडिज संघाचा सलामीवीर तेजनारिन चंद्रपॉलची विकेट घेत एक इतिहास आपल्या नावावर केला आहे. ( Ashwin became the first Indian to dismiss the father-son pair, creating history in the Indies)
आर अश्विनने इतिहास रचला, पिता-पुत्र जोडीला बाद करणारा पहिला भारतीय गोलंदाज ठरला
डॉमिनिका कसोटीत तेजनारिन चंद्रपॉलची विकेट घेताच आर अश्विनने वेस्ट इंडिजच्या भूमीवर इतिहास रचला. पिता-पुत्र जोडीला बाद करून कसोटीत अशी कामगिरी करणारा तो पहिला भारतीय गोलंदाज ठरला आहे. 2011 मध्ये वेस्ट इंडिजचा दिग्गज खेळाडू शिवनारायणला नवी दिल्लीत LBW आऊट करण्यात आले होते. त्याच वेळी, 12 वर्षांनंतर, आर अश्विनने IND vs WI च्या पहिल्या कसोटीत शिवनारायण चंद्रपॉलचा मुलगा तेजनारायण चंद्रपॉलला बाद करून ही खास कामगिरी केली.
अजितदादा फरफटत जाणार नाहीत, योग्यवेळी ताकद दाखवतील; रोहित पवारांचे सूचक विधान…
आर अश्विनने आणखी 1 विकेट घेतल्यास त्याच्या आंतरराष्ट्रीय क्रिकेटमध्ये 700 बळीही पूर्ण होतील. अशा परिस्थितीत अश्विनकडे आंतरराष्ट्रीय क्रिकेटमध्ये 700 बळी आणि 4000 धावा करण्याचा दुहेरी पराक्रम करणारा पहिला भारतीय बनण्याची सुवर्णसंधी आहे.
