Sift Kaur Samra: पंजाबची नेमबाज सिफ्ट कौर समरा (Sift Kaur Samra) हिने हँगझोऊ आशियाई क्रीडा (Asian Games) स्पर्धेत भारतासाठी 50 मीटर थ्री पोझिशन रायफल वैयक्तिक (Rifle shooter) स्पर्धेत (महिला) सुवर्णपदक जिंकून देशाची मान उंचावली आहे. एमबीबीएसपेक्षा देशासाठी पदक जिंकण्याला तिने प्राधान्य दिले. 2021 मध्ये फरीदकोटच्या मेडिकल कॉलेजमध्ये NEET उत्तीर्ण होऊन एमबीबीएसमध्ये प्रवेश घेतला होता. त्यानंतर सिफ्टवर एमबीबीएस किंवा शूटिंग यापैकी एक निवडावे लागणार होते.
या वर्षी भोपाळमध्ये नेमबाजी विश्वचषक स्पर्धेत 50 मीटर 3 पोझिशनमध्ये पदक जिंकणाऱ्या 21 वर्षीय सिफ्टने नेमबाजीची निवड केली.तिने मेडिकल सोडले आणि अमृतसरमध्ये शारीरिक शिक्षणासाठी प्रवेश घेतला. सिफ्ट सांगते की, वैद्यकशास्त्राचा अभ्यास आणि शूटिंग एकत्र जाऊ शकत नाही. तिला दोघांपैकी एकाची निवड करायची होती. तिने आणि तिच्या पालकांनी शूटिंग निवडले.
शूटिंगसाठी परीक्षा आधी सोडली
पॅरिस ऑलिम्पिकमधील वातावरणाचा सराव होण्यासाठी सिफ्टने अलीकडेच भारतीय नेमबाजी संघासह पॅरिसला प्रवास केला. शूटिंगमुळे 80 टक्के उपस्थिती नसल्यामुळे ती एमबीबीएसची परीक्षा देऊ शकली नाही, असे ती सांगते. त्या काळातही परीक्षा की नेमबाजी निवडायची, असा मोठा पेच तिच्यासमोर होता, तरीही तिने नेमबाजीची निवड केली.
Sonu Nigam कडून बिटर बिट्रेयल्सची घोषणा ‘अच्छा सिला दिया’ च्या आठवणींना उजाळा
एमबीबीएसचे शिक्षण घेण्यासाठी तिला पहिल्या वर्षी पुन्हा अभ्यास करावा लागला, पण भोपाळ विश्वचषक स्पर्धेत पदक जिंकताना जेव्हा ती व्यासपीठावर गेली आणि देशाचा झेंडा उंचावला तेव्हा तिची मान अभिमानाने उंचावली. तिचे वडील पवनदीप सिंग आणि त्यांनी मग एमबीबीएस सोडण्याचा निर्णय घेतला.
पाच वर्षांपूर्वी शूटिंग सुरू झाले
सिफ्टने पाच वर्षांपूर्वीच शूटिंग सुरू केले. गेल्या वर्षी तिने ज्युनियर वर्ल्ड चॅम्पियनशिपमध्ये एक सुवर्ण, दोन रौप्य आणि कांस्यपदक जिंकले होते. यानंतर तिने वरिष्ठ संघात स्थान मिळवले आणि आता तिने एशियाडमध्ये सुवर्णपदक जिंकले आहे.
Oscars 2024: भारताकडून अधिकृत प्रवेशिका म्हणून ‘या’ सिनेमाची घोषणा
सिफ्टने जुलैच्या उत्तरार्धात चीनमध्ये झालेल्या वर्ल्ड युनिव्हर्सिटी गेम्समध्येही भाग घेतला होता, जिथे तिला बहु-स्पोर्ट्स स्पोर्टिंग इव्हेंटमध्ये अनुभव मिळवला. यामध्ये सिफ्टने भारतासाठी दोन सुवर्णपदके जिंकली होती. तिला विशेषत: खाद्यपदार्थांची माहिती मिळाली. या अनुभवाचा फायदा तिला आशियाई क्रीडा स्पर्धेत झाला.
आयएसएसएफ विश्वचषक स्पर्धेत सिफ्टने दोन कांस्यपदकेही जिंकली आहेत. ज्युनियर चषकातील तिचा विक्रम आणखी चांगला आहे. गेल्या वर्षी याच ज्युनियर चषकात तिने एक सुवर्ण, दोन रौप्य आणि एक कांस्यपदक जिंकले होते. मात्र, वर्ल्ड चॅम्पियनशिपमध्ये सिफ्टचे खाते अद्याप उघडलेले नाही.
2008 च्या ऑलिम्पिकमध्ये अभिनव बिंद्राने नेमबाजीत भारतासाठी सुवर्णपदक जिंकले होते. 2012 मध्ये नेमबाजीत दोन पदके मिळाली, मात्र गेल्या दोन ऑलिम्पिकमध्ये भारताला नेमबाजीत एकही पदक मिळालेले नाही. आता पॅरिसमधील शूटिंगकडून देशाला पुन्हा एकदा मोठ्या अपेक्षा असतील. सिफ्टकडूनही खूप अपेक्षा असतील.
भावाने शूटिंग सोडून मेडिकल निवडले
सिफ्टचे वडील शेतकरी असले तरी त्यांचे कुटुंब हे डॉक्टरांचे कुटुंब आहे. त्यांचे चार ते पाच चुलते डॉक्टर आहेत. तिचा धाकटा भाऊ देखील नेमबाज असून त्याने शालेय राष्ट्रीय स्पर्धेत पदक जिंकले आहे. सिफ्टच्या म्हणण्यानुसार, त्याने 12वीच्या परीक्षेनंतर NEET उत्तीर्ण केले, परंतु त्याने शूटिंग सोडले आहे आणि तो मेडिकलचा अभ्यास करणार आहे.
