IND vs ENG : टीम इंडिया आणि इंग्लंड यांच्यातील पाचवी कसोटी (IND vs ENG) आजपासून धर्मशाला येथे सुरु झाली आहे. इंग्लंडने नाणेफेक जिंकून प्रथम फलंदाजीचा निर्णय घेतला अन् चांगली सुरुवात केली. मात्र, कुलदीप यादव (Kuldeep Yadav) आणि रविचंद्रन अश्विनच्या (Ravichandran Ashwin)अप्रतिम गोलंदाजीपुढं इंग्लंडच्या आघाडीच्या फलंदाजांनी अक्षरश: लोटांगण घेतलं. इंग्लंडचा संपूर्ण संघ 218 धावांवर बाद झाला आहे.
‘ज्या घरात मोदींचा फोटो, ते घर…’; मल्लिकार्जुन खर्गेंचे PM मोदींवर टीकास्त्र
इंग्लंड टीमचा कर्णधार बेन स्टोक्सने (Ben Stokes)नाणेफेक जिंकून प्रथम फलंदाजीचा निर्णय घेतला आणि देवदत्त पडिक्कलने (Devdutt Padikkal)भारताकडून पदार्पण केले. देवदत्त हा भारताकडून कसोटी खेळणारा 314 वा खेळाडू ठरला. रविचंद्रन अश्विन भारतासाठी 100 कसोटी सामने खेळणारा 14 वा आणि जॉनी बेअरस्टो (Jonny Bairstow) इंग्लंडकडून 100 कसोटी खेळणारा 17 वा खेळाडू ठरला.
Sonali Bendre : सोनाली बेंद्रेचा स्टायलिश अंदाज, ग्लॅमरस लुकने वेधले चाहत्यांचे लक्ष!
इंग्लंडची सुरुवात चांगली झाली आणि जॅक क्रॉलीने बेन डकेट (27) सोबत पहिल्या विकेटसाठी 64 धावांची भागीदारी केली. मात्र, 18 व्या षटकात कुलदीप यादवने भारताला पहिला ब्रेकथ्रू दिला. शुभमन गिलच्या सुंदर कॅचमुळे डकेट पॅव्हेलियनमध्ये परतला.
यानंतर क्रॉलीने अवघ्या 64 चेंडूत आपले अर्धशतक पूर्ण केले आणि ऑली पोप (11) सोबत 26 व्या षटकात संघाला 100 धावांपर्यंत नेले, मात्र उपाहारापूर्वी 26 व्या षटकात ऑली पोपलाही आपला संघ बनवण्यात आले. कुलदीपचा बळी घेत संघाला मोठे यश मिळवून दिले.
कुलदीप यादव आज टीम इंडियासाठी सर्वात यशस्वी गोलंदाज ठरला. कुलदीप यादवने 5 फलंदाजांना बाद केलं. त्याचबरोबर रवीचंद्रन अश्विनने आपल्या 100 व्या कसोटीत 4 बळी घेतले. रवींद्र जडेजाला 1 यश मिळालं. कर्णधार बेन स्टोक्ससह इंग्लंडचे तीन फलंदाज एकही धाव न काढता बाद झाले. त्यामुळे एकेकाळी भक्कम स्थितीत दिसणारा इंग्लंडचा संघ अवघ्या 218 धावांत सर्वबाद झाला.
