Jannik Sinner Wimbledon champion for second time he beat Djokovic in semi-finals and French Open champion in final : इटलीचा टेनिसपटू यानिक सिनरने (Jannik Sinner) शानदार कामगिरी करत “विम्बल्डन पुरुष एकेरीचे” विजेतेपद पटकावले आहे. सेंटर कोर्टवर खेळल्या गेलेल्या अंतिम सामन्यात सिनरने जर्मनीच्या अलेक्झांडर ज्वेरेवचा (Alexander Zverev)
6-7(7), 7-6(2), 6-3, 6-4 असा पराभव करून ही प्रतिष्ठित ट्रॉफी जिंकली. तीन तासांहून अधिक काळ चाललेल्या या सामन्यात दोन्ही खेळाडूंकडून दमदार खेळी पाहायला मिळाली. मात्र, निर्णायक क्षणी सिनरने उत्कृष्ट खेळ करत आपले पाचवे ग्रँड स्लॅम विजेतेपद निश्चित केले.
सामन्याची सुरुवात अत्यंत रोमांचक झाली. पहिला सेट टाय-ब्रेकरपर्यंत गेला, ज्यात ज्वेरेवने 9-7 असा विजय मिळवत आघाडी घेतली. तरीही खचून न जाता, सिनरने दुसऱ्या सेटमध्ये जबरदस्त पुनरागमन केले. हा सेटही टाय-ब्रेकरपर्यंत गेला, पण यावेळी इटालियन खेळाडूने 7-2 असा विजय मिळवत सामना 1-1 असा बरोबरीत आणला. दुसऱ्या सेटमधील विजयामुळे सिनरचा आत्मविश्वास वाढला आणि त्यानंतर त्याने सामन्यावर पूर्ण वर्चस्व गाजवले.
नोकरी बदलणाऱ्यांसाठी मोठी खुशखबर! EPFO ने PF ट्रान्सफरसाठी दिले दोन सोपे पर्याय; जाणून घ्या डिटेल्स
तिसऱ्या सेटमध्ये सिनरने उत्कृष्ट ‘बेसलाइन गेम’ आणि अप्रतिम ‘रिटर्न्स’चे प्रदर्शन केले. त्याने एकदा ज्वेरेवची सर्व्हिस ‘ब्रेक’ केली आणि 6-3 असा सेट जिंकून सामन्यात पहिल्यांदाच आघाडी घेतली. तरीही चौथ्या सेटमध्येही दोघांमध्ये चुरशीची लढत झाली, परंतु सिनरने निर्णायक क्षणी ‘ब्रेक’ मिळवत 6-4 असा सेट जिंकला आणि चॅम्पियन बनण्याचे आपले स्वप्न पूर्ण केले. विम्बल्डन विजेदेपदासह सिनरला जवळपास 42 कोटी रुपये (3.6 दशलक्ष पौंड) मिळाले.
त्याच्या या विजयासह यानिक सिनरने आणखी एक ग्रँड स्लॅम (Grand Slam) विजेतेपद आपल्या नावावर केले आणि आपण सध्याच्या काळातील सर्वोत्तम टेनिसपटूंपैकी एक असल्याचे सिद्ध केले. सिनरचा ग्रँड स्लॅम स्पर्धेतील हा 100 वा विजय ठरला. तसेच, ज्वेरेव विरुद्धचा हा त्याचा सलग दहावा विजय आहे. फ्रेंच ओपनमधील त्याच्या साधारण कामगिरीनंतर प्रश्नचिन्ह उपस्थित केले गेले होते, परंतु या विजेतेपदासह त्याने त्या प्रश्नांना चोख उत्तर दिले आहे.