World Cup 2023: यंदा एकदिवसीय विश्वचषक भारतीय भूमीवर खेळवला जाणार आहे. यापूर्वी, भारताव्यतिरिक्त, 2011 च्या विश्वचषकाचे आयोजन पाकिस्तान, श्रीलंका आणि बांगलादेशमध्ये करण्यात आले होते. मात्र, भारत 2023 च्या एकदिवसीय विश्वचषकाचे यजमानपदासाठी सज्ज आहे. दरम्यान, पाकिस्तानचा माजी वेगवान गोलंदाज आणि रावळपिंडी एक्सप्रेस म्हणून ओळखल्या जाणाऱ्या शोएब अख्तरने एक मोठी भविष्यवाणी केली आहे. खरं तर, शोएब अख्तरला विश्वास आहे की 2023 च्या एकदिवसीय विश्वचषकाच्या अंतिम फेरीत भारत आणि पाकिस्तान यांच्यात सामना होईल.
‘एकदिवसीय विश्वचषक 2023 च्या अंतिम फेरीत भारत आणि पाकिस्तान संघ आमनेसामने असतील’
रावळपिंडी एक्सप्रेसच्या वृत्तानुसार, 2023 च्या एकदिवसीय विश्वचषकाच्या अंतिम फेरीत भारत आणि पाकिस्तानचे संघ आमनेसामने असतील. त्याचवेळी शोएब अख्तरने नुकतेच एक वक्तव्य केले होते. ज्यामध्ये तो म्हणाला होता की, 2011 च्या वनडे वर्ल्ड कपच्या सेमीफायनल मॅचमध्ये भारताने पाकिस्तानचा पराभव केला होता, आता वर्ल्ड कपमध्ये भारताला हरवून 2011 चा बदला घ्यायचा आहे. मात्र, 2023 च्या एकदिवसीय विश्वचषकाच्या अंतिम फेरीत भारत आणि पाकिस्तानचे संघ आमनेसामने येतात की नाही हे पाहणे उत्सुकतेचे ठरणार आहे. मात्र शोएब अख्तरच्या या अंदाजानंतर चाहते सतत कमेंट करून आपल्या प्रतिक्रिया देत आहेत.
Wrestlers Protest : विश्वविजयी ‘टीम 83’ कुस्तीपटूंच्या पाठिशी; क्रिकेटचा ‘देव’ मात्र शांतच
‘जिथे प्रेम आहे, तिथे मजा आहे’
माजी पाकिस्तानी गोलंदाजाने वीरेंद्र सेहवागच्या केसांबाबत वक्तव्य केले होते. आता भारताच्या माजी सलामीवीराने अख्तरला उत्तर दिले आहे. ‘ब्रेकफास्ट विथ चॅम्पियन्स’ या यूट्यूब शोमध्ये सेहवागने अख्तरच्या विधानाला उत्तर दिले. शोमध्ये सेहवागला विचारण्यात आले होते की, तुमच्या आणि शोएब अख्तरमध्ये काही मैत्रीचे वाद सुरू आहेत? तर तो म्हणाला की जिथे प्रेम असते तिथे मस्ती देखील असते. 2003-04 मध्ये शोएब अख्तरशी माझी घट्ट मैत्री झाली होती. आम्ही तिथे दोनदा गेलो होतो आणि तो दोनदा इथे आला होता. आम्ही मित्र आहोत, एकमेकांचे पाय ओढत राहतो.
