Bandish Bandits : ‘बंदिश बँडिट्स’चा दुसरा सीझन आज प्रदर्शित झाला असून, चाहत्यांचे लक्ष या बहुप्रतिक्षित मालिकेच्या प्रमुख अभिनेत्री श्रेया चौधरीकडे लागले आहे. तिच्या प्रभावी अभिनय आणि मोहक व्यक्तिमत्त्वामुळे श्रेया (Shreya Chaudhary) चर्चेत आली आहे, आणि तिच्या यशाचे श्रेय तिने प्रसिद्ध दिग्दर्शक इम्तियाज अली यांना दिले आहे. श्रेयाने इम्तियाज अली (Imtiaz Ali) यांच्या ‘द अदर वे’ या लघुपटात काम केले होते. 2020 मध्ये प्रदर्शित झालेल्या ‘बंदिश बँडिट्स’ च्या पहिल्या सीझनमुळे ती एका रात्रीत सुपरस्टार झाली.
इम्तियाज अली यांनी नेहमीच नवीन चेहऱ्यांना संधी दिली आहे. त्रिप्ती डिमरी, अभय देओल, अविनाश तिवारी, नरगिस फाखरी यांसारख्या अनेक एक्टर्सचे करिअर त्यांनी घडवले आहे. इम्तियाज अली यांच्यासोबत पुन्हा काम करण्याची इच्छा व्यक्त करताना श्रेया म्हणते, “इम्तियाज सर यांनी मला आत्मविश्वास दिला की मी अभिनेत्री होऊ शकते. त्यांच्यासोबत काम करून मला हे समजले की मोठे स्वप्ने पाहणे आणि त्यांचा पाठपुरावा करणे शक्य आहे. त्यांच्या सोबत काम करण्याचा अनुभव माझ्यासाठी खूप खास होता आणि शिकण्यासारखा होता.
काँग्रेसच्या माथ्यावरील पाप कधीच धुतलं जाणार नाही; लोकसभेतून PM मोदींचा जोरदार ‘प्रहार’
मी हात जोडून प्रार्थना करते की एका दिवसात मला इम्तियाज अली यांच्या चित्रपटात मुख्य भूमिका मिळो.” श्रेया चौधरी लवकरच बोमन इराणी यांच्या बहुचर्चित दिग्दर्शकीय पदार्पणाच्या ‘द मेहता बॉयज’ या चित्रपटातही झळकणार आहे, ज्यामध्ये ती अविनाश तिवारीसोबत मुख्य भूमिकेत आहे. हा चित्रपट 2025 मध्ये प्रदर्शित होणार आहे.
संसदेत सावरकर, हिंदुत्व अन् राहुल गांधी, महाराष्ट्रात MVA मध्ये फुटीची स्क्रिप्ट रेडी ?