Rajarani Movie Trailer launch: सध्या सर्वत्र ‘बिग बॉस मराठी’ची (Bigg Boss Marathi) हवा सुरु आहे. यंदाच्या ‘बिग बॉस’च्या ट्रॉफीवर सोशल मीडिया इन्फ्लुएन्सर्स सूरज चव्हाणने नाव कोरलं. (Suraj Chavan Movie) ‘बिग बॉस मराठी’ सीझन ५ या पर्वाचे विजेतेपद मिळवल्यानंतर सूरजचं भरभरुन कौतुक करण्यात आलं. (Rajarani Movie )’बिग बॉस’ची ट्रॉफी घेऊन आता सूरज त्याच्या गावी मोडवे ,तालुका बारामतीत परतला आहे. सूरज ‘बिग बॉस’च्या ट्रॉफीसह त्याच्या मोडवे गावातील आई मरिमातेच्या चरणी नतमस्तक होत त्याने त्याच्या आगामी ‘राजा राणी’ चित्रपटाचा स्वतःच्या हस्ते ट्रेलर लॉंच ही केला आहे.
बारामतीत सूरजच्या हस्ते मोडवे गावात ‘राजा राणी’ चित्रपटाच्या ट्रेलरचं अनावरण करण्यात आलं , यावेळी सुरज च्या राजा राणी च्या ट्रेलर लाँच सोहळ्यात बिग बॉस फेम वैभव चव्हाण ने सुद्धा उपस्थिती लावली , आणि सुरजचा राजा राणी चित्रपट सर्वांनी नक्की बघा अस देखील वैभव चव्हाण बोलला. बऱ्याच दिवसांपासून ‘राजा राणी’ या चित्रपटाची चर्चा सुरु असलेली पाहायला मिळाली. या चित्रपटात सूरज चव्हाण महत्त्वाचा भूमिकेत दिसणार आहे. छोट्याशा खेडेगावातून आलेल्या सूरजने झगमगाटीच्या दुनियेत प्रवेश करत उत्तम यश मिळवले.
छोटा पडदा गाजवल्यानंतर आता सूरज येत्या १८ ऑक्टोबर पासून मोठा पडदा गाजवायलाही सज्ज होणार आहे. सत्य घटनेवर आधारित उलगडणार्‍या ‘राजा राणी’ या प्रेम कथेतून तो महत्वपूर्ण भूमिका साकारत प्रेक्षकांच्या भेटीस येणार आहे. या चित्रपटात रोहन पाटील , सुरज चव्हाण , तानाजी गळगुंडे प्रमुख भूमिकेत दिसणार आहे. ट्रेलरमध्येही नायक नायिकेच्या प्रेमाला एकत्र आणण्यासाठी सूरज महत्त्वपूर्ण भूमिकेत दिसतोय. ट्रेलरमध्येही त्याचा गोलीगत पॅटर्न पाहणं रंजक ठरतंय.
‘बिग बॉस मराठी’ फेम सूरज चव्हाणचा गोलीगत दणका, ‘राजाराणी’ चित्रपटातून गाजवणार मोठा पडदा
चित्रपटात प्रमुख भूमिकेत रोहन पाटील, वैष्णवी शिंदे ही जोडी दिसणार असून या चित्रपटात सुरज चव्हाण ,भारत गणेशपुरे, सुरेश विश्वकर्मा, माधवी जुवेकर, भक्ती चव्हाण, शिवाजी दोलताडे, तानाजी गलगुंडे या कलाकारांनी महत्त्वपूर्ण भूमिका साकारल्या आहेत. ‘सोनाई फिल्म क्रिएशन’ प्रस्तुत ‘राजाराणी’ या चित्रपटाची कथा, पटकथा, संवाद, गीतलेखन व निर्मिती गोवर्धन दोलताडे यांनी केलं आहे. तर चित्रपटाच्या दिग्दर्शनाची जबाबदारी शिवाजी दोलताडे यांनी सांभाळली आहे. संगीत दिग्दर्शन पी. शंकरम, पार्श्वसंगीत विजय नारायण गवंडे, गायक आदर्श शिंदे, हर्षवर्धन वावरे, अनविसा दत्तगुप्ता, नागेश मोरवेकर हे आहेत. तर छायांकन कृष्णा नायकर, एम. बी. अलीकट्टी यांनी केले आहे. सूरजचा चव्हाण चा ‘राजा राणी’ हा चित्रपट १८ ऑक्टोबर पासून जवळच्या सिनेमागृहात प्रदर्शित होणार आहे.
