Khaki to Drishyam the Conclusion Kamlesh Sawant shared his special experience with Ajay Devgn : ‘दृश्यम’ म्हटलं की गायतोंडे आणि त्याचे खास वन-लाइनर्स आठवल्याशिवाय राहत नाहीत. आता ‘दृश्यम द कन्क्लूजन’मधून या लोकप्रिय फ्रँचायझीचा बहुप्रतिक्षित अंतिम अध्याय प्रेक्षकांच्या भेटीला येणार आहे. 2015 पासून विजय साळगावकर आणि त्याच्या कुटुंबावर बारकाईने नजर ठेवणाऱ्या गायतोंडेची भूमिका कमलेश सावंत साकारत आहेत. यावेळी साळगावकर कुटुंबाचा पाठलाग करताना तो कोणतीही कसर बाकी ठेवणार नाही. या तपासात तो जयदीप अहलावतने साकारलेल्या एसपी क्राइम ब्रँच अधिकारी राजवीर सिंह तोमरची साथ घेणार आहे.
‘स्वर्गंधर्व सुधीर फडके’साठी योगेश देशपांडेंना सर्वोत्कृष्ट पटकथेचा राष्ट्रीय चित्रपट पुरस्कार
अजय देवगणसोबत काम करण्याच्या अनुभवाबद्दल बोलताना कमलेश सावंत यांनी ‘दृश्यम’च्या पहिल्या भागाच्या शूटिंगदरम्यानचा एक खास किस्सा सांगितला. त्यांनी सांगितलं की, “2004 मध्ये राजकुमार संतोषी दिग्दर्शित ‘खाकी’ या चित्रपटात मी अजय देवगणसोबत काम केलं होतं. त्यानंतर तब्बल 11 वर्षांनी आम्ही गोव्यात ‘दृश्यम’च्या पहिल्या भागाचं शूटिंग करत होतो. शूटिंगच्या दिवसांमध्ये मी सहसा मोठ्या कलाकारांकडे जाऊन त्यांना त्रास देत नाही. त्याऐवजी मी माझ्या भूमिकेच्या शॉटवर लक्ष केंद्रित करतो.”
पुढे त्या आठवणीला उजाळा देताना कमलेश सावंत म्हणाले, “एक दिवस अजय देवगण सरांनी मला पाहिलं आणि ते स्वतः माझ्याजवळ आले. त्यांनी मला विचारलं, ‘कमलेश, तू ‘खाकी’मध्ये होतास ना? ब्लॅकमध्ये… मी तुला गोळी मारतो.’ त्यानंतर त्यांनी सांगितलं, ‘आता सगळ्यांना जाणून घ्यायचं आहे की गायतोंडेची भूमिका कोण साकारत आहे. चला, या व्यक्तिरेखेला सर्वोत्तम बनवूया.’”
निवडणूक आयोग अन् एसआयआरविरूद्ध ठाकरे बंधूंचा एल्गार! 4 ऑक्टोबरला मुंबईत जनमोर्चा
कमलेश सावंत पुढे म्हणाले, “त्यावर मी त्यांना सांगितलं की, ‘नाही सर, ही व्यक्तिरेखा साकारण्यासाठी आणि तिला योग्य न्याय देण्यासाठी मी पूर्ण प्रयत्न करेन.’ अजय देवगण हे किती मोठे ‘लिजेंड’ आहेत, हे यावरून लक्षात येतं. स्वतःहून माझ्याजवळ येऊन त्यांनी माझ्याशी संवाद साधला. माझ्यासारख्या व्यक्तिरेखा अभिनेत्यासाठी ही खूप मोठी गोष्ट आहे.”
‘दृश्यम द कन्क्लूजन’मध्ये विजयसमोर पुन्हा मोठं आव्हान
‘दृश्यम द कन्क्लूजन’ आता अंतिम टप्प्याकडे वाटचाल करत असून विजय साळगावकर आणि त्याच्या कुटुंबीयांसमोरील संकट अधिक गडद होताना दिसणार आहे. कायद्याला चकवा देण्यात विजय यावेळीही यशस्वी ठरणार का, हा प्रश्न प्रेक्षकांच्या उत्सुकतेचा विषय बनला आहे.अभिषेक पाठक यांनी दिग्दर्शित केलेल्या या चित्रपटात अजय देवगण, तब्बू, श्रिया सरन, रजत कपूर, जयदीप अहलावत, प्रकाश राज, कमलेश सावंत, इशिता दत्ता आणि मृणाल जाधव यांच्यासह अनेक कलाकार महत्त्वाच्या भूमिकांमध्ये दिसणार आहेत.
‘दृश्यम द कन्क्लूजन’ हा चित्रपट स्टार स्टुडिओ18 प्रस्तुत आणि पॅनोरमा स्टुडिओज निर्मित आहे. चित्रपटाचं दिग्दर्शन अभिषेक पाठक यांनी केलं असून, अभिषेक पाठक, आमिल कीयन खान आणि परवेझ शेख यांनी पटकथा लिहिली आहे. अलोक जैन, अजित अंधारे, कुमार मंगत पाठक आणि अभिषेक पाठक हे चित्रपटाचे निर्माते आहेत.दृश्यम द कन्क्लूजन’ 2 ऑक्टोबर 2026 रोजी चित्रपटगृहांमध्ये प्रदर्शित होणार आहे.