ChatGPT Down : जगातील लाखो युजर्सना OpenAI चे लोकप्रिय चॅटबॉट ChatGPT च्या वापरात अडचणी (ChatGPT Down) येत आहेत. अमेरिकेत या समस्येची तीव्रता जास्त होती. येथे साडेआठ हजारांहून अधिक युजर्सने याबाबतीत तक्रारी केल्या. लॉग इन न होणे, एरर मेसेज आणि चॅट लोड न होणे अशा समस्या येत होत्या. या तक्रारींना एआयने प्रतिसाद दिला आहे.
आऊटेज ट्रॅक करणारी वेबसाइट Downdetector नुसार 81 टक्के युजर्सना ChtGPT शी संबंधित अडचणी आल्या. तर दहा टक्के लोकांना वेबसाइटमध्ये तांत्रिक अडचणींचा सामना करावा लागला. 9 टक्के युजर्सना मोबाइल अॅपमध्ये अडचणी येत होत्या. भारतातही काही युजर्सना चॅटजीपीटीत अडचणी येत होत्या. परंतु, भारतात या अडचणी फारशा नव्हत्या. सकाळी साडेसात वाजेपर्यंत भारतात फक्त 153 युजर्सने तक्रारी केल्या होत्या. भारतात या अडचणींचं प्रमाण अतिशय नगण्य राहिलं.
सावधान! ChatGPT च्या वापरानं मेमरी अन् क्रिएटिविटीही धोक्यात? नव्या अभ्यासातून धक्कादायक माहिती उघड
युजर्सना चॅटजीपीटीच्या वापरात अनेक प्रकारच्या समस्या जाणवल्या. यामध्ये वारंवार एरर मेसेज येणे, चॅट लोड न होणे, लॉग इन करतानाही अडचणी आणि Unusual Activity चा अलर्ट दिसणे अशा प्रकारच्या समस्या होत्या. या अडचणी बराच काळ निकाली काढण्यात आल्या नाहीत. त्यामुळे युजर्सचा ताण वाढला होता. या समस्या लवकरात दूर करण्याची मागणी केली जात होती.
OpenAI कंपनीने आपल्या Service Status Page वर या अडचणी मान्य केल्या. या अडचणी नेमक्या काय आहेत याची माहिती घेण्यात आली आहे. या समस्या लवकरात लवकर दूर करण्यासाठी कंपनी युद्धपातळीवर प्रयत्न करत आहे. कंपनीने टेक्निकल टीमला याबाबतीत सूचना दिल्या आहेत. यानंतर टेक्निकल टीमने कामास सुरुवात केली होती. या समस्या दूर झाल्या किंवा नाही याबाबतीत मात्र ठोस माहिती मिळू शकली नाही.
चॅटजीपीटीत या समस्या अचानक का निर्माण झाल्या याचं उत्तर कंपनीने दिलं नाही. तरीही Unusual Activity चा अलर्ट दर्शवतो की काही तांत्रिक किंवा सुरक्षिततेशी संबंधित कारणे यामागे असू शकतील. जास्त ट्राफिक, सिस्टम अपडेट किंवा सायबर अटॅक यांसारख्या गोष्टी आउटेज निर्माण करू शकतात. परंतु, तरीही या अडचणी का निर्माण झाल्या याचे ठोस उत्तर कंपनीने दिलेले नाही.
