सावधान! ChatGPT च्या वापरानं मेमरी अन् क्रिएटिविटीही धोक्यात? नव्या अभ्यासातून धक्कादायक माहिती उघड

ChatGPT Use Report : AI म्हणजे आर्टिफिशीयल इंटेलिजन्सबाबतीत रोजच नवनवीन (ChatGPT Use Report) खुलासे होत असतात. आताही प्रतिष्ठीत अशा MIT च्या अभ्यासकांनी एक अभ्यास केला आहे. यात म्हटलं आहे की लिहिण्याच्या सुरुवातीच्या टप्प्यात ChatGPT चा वापर केल्याने त्याचा मेंदूवर परिणाम होऊ शकतो. स्मरणशक्ती आणि रचनात्मक विचार कमी (Memory Loss) होण्याचीही भीती राहते. या अभ्यासामुळे AI च्या बाबतीत नव्याने विचार करण्यास भाग पाडले आहे. मग अशा परिस्थितीत विद्यार्थ्यांनी या साधनांचा वापर कसा करावा असा प्रश्न समोर आला आहे.

या अभ्यासात 18 ते 39 वर्षे वयोगटातील 24 लोकांना सहभागी करुन घेण्यात आले होते. या लोकांचे तीन गट तयार करण्यात आले. यातील एका गटातील लोकांनी SAT स्टाइल प्रश्नांच्या आधारावर ChatGPT चा वापर करुन निबंध लिहीले. दुसऱ्या गटातील लोकांनी गुगल सर्चवर विश्वास दाखवला. तसेच तिसऱ्या गटातील लोकांनी कोणत्याही मदतीविना दिलेले काम पूर्ण केले.

असीम मुनीरच्या शिफारशीनंतर ट्रम्प यांना खरचं नोबेल पुरस्कार मिळणार?; नियम काय सांगतो?

या संपूर्ण प्रक्रिये दरम्यान शोधकर्त्यांनी ईईजी हेडसेटचा वापर केला. याद्वारे लोकांच्या मेंदूतील हालचालींचे मोजमाप केले. यातून प्रत्येक व्यक्ती मानसिक दृष्ट्या किती व्यस्त होता याचे उत्तर मिळाले. यातून अनेक धक्कादायक निष्कर्ष समोर आले. चॅटजीपीटीचा वापर करणाऱ्या 32 विविध भागांत मेंदूतील उत्तेजना (brain stimulation) निम्न पातळीवर दिसून आली. त्यांनी लिहिलेले निबंध सखोल आणि भावनांची कमतरता असणारे आहेत. डेटावरुन लक्षात येतं की मौलिकता, एकाग्रता आणि प्रयत्नांत सातत्याने घसरण होत आहे.

शेवटच्या टप्प्यातील कामं पूर्ण होईपर्यंत काही सहभागींनी चॅटजीपीटीत फक्त प्रॉम्प्ट्सना इनपुट करणे आणि त्यानंतरचे रिझल्ट कोणत्याही बदलांविना कॉपी करण्याचं काम केलं. त्यांच्या brainwave patterns ने हा नवा दृष्टीकोन समोर आणला. याउलट no tech गटातील लोकांनी उच्च मानसिक स्थिती प्रदर्शित केली. विशेष करुन मेंदूतील क्रिएटिविटी, एकाग्रता आणि मेमरी रिटेंशनशी संबंधित या गोष्टी होत्या. त्यांनी त्यांचे निबंध अधिक चांगल्या पद्धतीने आणि भावनांसह लिहिले. ज्या लोकांनी Google Search चा वापर केला त्यांनी चॅटजीपीटी ग्रुपच्या तुलनेत जास्त कॉग्निटिव प्रयत्न केले. पूर्ण प्रयत्नांची एखाद्या गोष्टीचा शोध घेतल्यास मेंदू एआय आऊटसोर्सिंगच्या तुलनेत अधिक चांगल्या पद्धतीने करतो.

चॅटजीपीटीचा वापर करताय पण जपून…

प्रमुख शास्त्रज्ञ नतालिया कोस्मिना यांच्या मते एआय टूल्स सुविधाजनक आहेत. पण सुरुवातीच्या टप्प्यात त्यांच्यावर जास्तीत जास्त अवलंबून राहणे संज्ञानात्मक विकासाच्या दृष्टीने घातक आहे. जे लोक चॅटजीपीटीवर अवलंबून होते त्यांच्या मेंदूची कार्यक्षमता कमी झाली. त्यांची स्मरणशक्तीही प्रभावित झाली. तसेच त्यांना त्यांच्या कामात भावनात्मक रुपाने कमीपण जाणवला. चॅटजीपीटी सारखे एआय टूल्स प्रोडक्टिविटी वाढवू शकतात हे खरं आहे. पण त्याचे काही दुष्परिणामही या अभ्यासाने अधोरेखित केले आहेत.

काय सांगता? ChatGPT शिवाय AI इमेज तयार करता येणार, WhatsApp चं भन्नाट फिचर करतंय कमाल

संबंधित बातम्या