Eknath Shinde And Uddhav Thackeray Delhi Visit : राज्यात एकीकडे ठाकरे बंधूंची युती, महाविकास आघाडीचे भवितव्य आणि महायुतीवर होणारे परिणाम यावरून राजकीय वर्तुळात चर्चांना उधाण आलं असतानाच आता उपमुख्यमंत्री एकनाथ शिंदे आणि उद्धव ठाकरे दोघंही एकाचवेळी दिल्ली दौऱ्यावर आहेत. शिंदे आणि उद्धव ठाकरे (Thackeray) यांच्या दिल्लीवारीवरून राजकीय वर्तुळात उलटसुलट चर्चांना उधान आलं आहे.
उपमुख्यमंत्री एकनाथ शिंदे पुन्हा दिल्लीत आहेत. यापूर्वी मुख्यमंत्री देवेंद्र फडणवीस यांच्यासोबत त्यांनी दिल्ली दौरा केला होता. सलगच्या दिल्ली दौऱ्यावरून एकनाथ शिंदे यांच्यावर ठाकरे गटाकडून हल्लाबोल करण्यात येत आहे. अशातच एकनाथ शिंदे पुन्हा दिल्लीत गेल्याने राजकीय वर्तुळात अनेकांच्या भुवया उंचावल्या आहेत. एकनाथ शिंदे हे केंद्रीय गृहमंत्री अमित शाह यांची भेट घेणार असल्याची माहिती समोर आली आहे.
पडद्यामागे काय घडतंय?, उद्धव ठाकरेंच्या दिल्ली दौऱ्याआधीच या नेत्याने घेतली पंतप्रधान मोदींच्या भेट
शिवसेना प्रमुख उद्धव ठाकरेबी आज दिल्ली दौऱ्यावर आहेत. ते या दौऱ्यात राहुल गांधींना भेटाणार आहेत. राजकारणात दिल्ली वारी म्हणजे काही निव्वळ औपचारिकता नव्हे. भेटीगाठींच्या आडून नवी समीकरणं ठरत असतात. जुनी नाती मोडकळीस येतात. नवी नाती जन्म घेतात. त्यामुळे उद्धव-राहुल यांची भेट ही कुणासाठी धडकी भरवणारी ठरणार? शिंदे यांचे ‘वॉर रूम’ प्लॅन कोणाचे समीकरण बदलणार? हे पाहणं महत्वाचं ठरणार आहे. हे टायमींग साधल का अशी कुजबुज राजकीय वर्तुळात आहे.
इंडिया आघाडीची एक महत्त्वाची बैठक दिल्लीत होत आहे. या बैठकीला उद्धव ठाकरे हजर राहणार आहेत. या दिल्ली भेटीत ते राहुल गांधी यांची भेट घेणार आहेत. उद्धव ठाकरे ६ ते ८ ऑगस्ट दिल्ली दौऱ्यावर जाणार आहेत. ७ ऑगस्टला राष्ट्रीय पातळीवर विरोधी पक्षांची इंडिया आघाडीची बैठक आहे. या बैठकीत राज-उद्धव एकत्र येण्यावर चर्चा झालीच तर काँग्रेस आणि अन्य पक्षांची मनसेला सोबत घेण्याबाबत काय भूमिका असेल? ही युती सहज स्वीकारतील? वेळ आलीच तर उद्धव हे राज यांच्यासाठी आघाडीवर ‘पाणी सोडण्याची’ तयारी दाखवतील का? अशी चर्चा राजकीय वर्तुळात होत आहे.
