Maharashtra Elections Solapur : राज्यातील विधानसभा निवडणुकीच्या धामधूमीत सोलापुरातून (Solapur News) एक धक्कादायक बातमी समोर आली आहे. माजी आमदार आणि सोलापूर शहर मध्य मतदारसंघातील माकपाचे उमेदवार नरसय्या आडम यांच्या घरावर काही जणांनी दगडफेक केली. काँग्रेसच्या कार्यकर्त्यांनी ही दगडफेक केली असा आरोप नरसय्या आडम यांनी केला आहे. ऐन निवडणुकीच्या काळात ही घटना घडल्याने सोलापूर शहरात एकच खळबळ उडाली आहे.
सोलापुरात निवडणुकीची रणधुमाळी सुरू आहे. प्रचार फेऱ्या आणि सभांनी वातावरण ढवळून निघालं आहे. उमेदवारांकडून जोरदार प्रचार केला जात आहे. माकपाचे उमेदवार आडम मास्तर सोमवारी सायंकाळी प्रचारासाठी घरातून बाहेर पडले बोते. त्यानंतर काही तरुणांनी आडम यांच्या बापूजीनगर येथील घरावर दगडफेक केली. काँग्रेसच्याच कार्यकर्त्यांनी दगडफेक केली असा आरोप आडम मास्तर यांनी केला आहे.
पश्चिम महाराष्ट्रात मविआने युतीला पाणीच पाजलं! सोलापूर, सांगली, अन् कोल्हापुरात दे धक्का
