JN1 Corona Update : महाराष्ट्रासह संपूर्ण देशात कोरोनाचे (JN1 Corona) रुग्ण वाढत आहेत. राज्यात आज 35 नवीन कोरोना रुग्णांची नोंद झाली आहे. आता राज्यात एकूण अँक्टिव रुग्णांची संख्या 103 झाली आहे. यातील सर्वाधिक प्रकरणे मुंबईतील आहेत. मुंबईत अँक्टिव रुग्णांची संख्या 52 वर पोहोचली आहे. ठाण्यात 18 आणि पुण्यात 17 अँक्टिव प्रकरणे आहेत.
राज्य सरकारने कोविड टास्क फोर्सची पुनर्रचना केली आहे. माजी ICMR प्रमुख डॉ. रमण गंगाखेडकर यांना टास्क फोर्सचे नवीन अध्यक्ष बनवण्यात आले आहे. कोविडच्या वाढत्या प्रकरणांची ओळख पटवण्यासाठी, विश्लेषण करण्यासाठी आणि मार्गदर्शनासाठी कोविड टास्क फोर्सची स्थापना करण्यात आली आहे.
Trending Song: 2023 मध्ये इंस्टाग्रामवर वर्चस्व गाजवणारे बॉलीवूडचे 5 चार्ट-टॉपर्स गाणी
टास्क फोर्सचे कार्य काय असेल?
– COVID-19 मुळे गंभीर आजारी रुग्णांसाठी रुग्ण व्यवस्थापन प्रोटोकॉल स्थापित करणे.
– COVID-19 क्रिटिकल केअर हॉस्पिटल्समध्ये तज्ञ डॉक्टर आणि आरोग्य सेवा सहाय्यक कर्मचार्‍यांच्या गरजांची शिफारस करणे.
– गंभीरपणे आजारी COVID-19 रूग्णांच्या उपचारात एकसमानता राखण्यासाठी योग्य औषधोपचारांची शिफारस करणे.
– टास्क फोर्सच्या अध्यक्षांनी ठरवलेल्या इतर कोणत्याही शिफारसींवर विचार करणे.
– टास्क फोर्सने केलेल्या शिफारशी सदस्य सचिव वेळोवेळी सरकारला अहवाल सादर करणार.
फेसबुक-इन्स्टाग्रामला ठोठावला कोट्यावधींचा दंड, यूट्यूब-गुगलवरही कडक कारवाई
दरम्यान, दोन दिवसांपूर्वी (20 डिसेंबर) मुंबई महापालिकेच्या कार्यकारी आरोग्य अधिकारी दक्षा शहा यांनी सांगितले की, मुंबईत फारसे रुग्ण आलेले नाहीत. इन्फ्लूएंझा आणि विषाणूजन्य तापाची प्रकरणे सामान्यतः हिवाळ्याच्या हंगामात दिसून येतात. त्यामुळे ही प्रकरणे सध्या नोंदवली जात आहेत परंतु लोकांनी घाबरण्याची गरज नाही. केंद्रीय मंत्रालयाकडून सूचना देण्यात आल्या आहेत की, जे प्रकरणे नोंदवली जात आहेत त्यावर लक्ष ठेवण्यात यावे. त्यामुळे सर्व प्रयोगशाळांना कोणतेही प्रकरण आढळल्यास त्याची माहिती बीएमसीला देण्याचे सांगण्यात आले आहे.
