Monthly Investment : सध्या सोशल मीडिया आणि फायनान्स ब्लॉगवर 15-15-15 नियम म्हणून ओळखला जाणारा हा फॉर्म्युला व्हायरल झाला आहे. (Investment) गुंतवणुकीच्या दुनियेत ही जादूपेक्षा कमी वाटत नाही. पण हे खरंच काम करते का? एवढ्या सोप्या मार्गाने प्रत्येकजण कोट्यधीश होऊ शकतो का?, या नियमाचे वास्तव, छुपे धोके काय आहेत आणि वास्तविक गुंतवणूकदारांनी काय लक्षात ठेवले.
एसआयपीची रक्कम आणि किती वर्ष गुंतवणूक करायची, हे तुमच्या हातात आहे. पण दरवर्षी 15 टक्के परतावा मिळेल, याचा अंदाज बांधता येत नाही. कधी बाजार वाढतो, कधी घसरतो. त्यामुळे सातत्याने 15 टक्के कमाई करणे प्रत्येकाला शक्य नसते. काही चांगल्या म्युच्युअल फंडांनी कधी कधी 15 टक्क्यांपेक्षा जास्त परतावा दिला आहे, पण नेहमीच नाही. कोणत्या कंपनीत पैसे गुंतवले, बाजाराची परिस्थिती कशी होती आणि फंड मॅनेजरने कोणते निर्णय घेतले यावर फंडाचा परतावा अवलंबून असतो.
भारत अमेरिकेसोबतच्या ट्रेड डीलवर ठाम; आता नवीन ट्रेड वॉर सुरु होणार का?
प्रत्येक परिस्थितीत 15 टक्के परतावा हवा असेल तर आपले सर्व पैसे शेअर बाजारात (इक्विटी) गुंतवावे लागतील. पण शेअर बाजारातही घसरण होत आहे. त्यामुळे तोटा टाळण्यासाठी पोर्टफोलिओचा एक छोटासा भाग डेट फंडात (जसे की बाँड्स) ठेवणे गरजेचे आहे. नोकरीत बदल होऊ शकतो, उत्पन्न कमी होऊ शकते, घरात इमर्जन्सी येऊ शकते. अनेकदा एसआयपीमधील तोटा पाहून लोक घाबरतात आणि मधल्या काळात गुंतवणूक करणे थांबवतात. खरा धोका हा आहे की लोक मध्येच थांबतात.
15 टक्के परताव्याच्या पार्श्वभूमीवर काही जण अत्यंत जोखमीचे फंड निवडतात. काही जण फसवणुकीच्या योजनांमध्येही अडकतात. त्यामुळे केवळ जास्त परताव्यासाठी चुकीची पावले उचलू नयेत. 10-12 टक्के परतावा वास्तववादी समजा. पोर्टफोलिओमध्ये इक्विटी आणि डेटचा समतोल ठेवा. दरवर्षी आपल्या गुंतवणुकीचा आढावा घ्या. एसआयपीमध्ये सातत्याने गुंतवणूक करत राहा, मग बाजार चढ-उतार असो वा नसो. 15-15-15 चा नियम चांगला दिसतो, पण तो सगळ्यांना बसत नाही.
