Gold Prices Fall Silver Also Cheaper : मंगळवारी देशाच्या सराफा बाजारात सोनं (Gold Prices Fall) आणि चांदीच्या किमतीत मोठी घसरण (Silver Cheaper) दिसून आली. दिल्लीच्या सराफा बाजारात 99.9% शुद्धतेचं सोने 500 रुपयांनी घसरून 1,00,420 रुपये प्रति 10 ग्रॅम वर पोहोचलं. त्याचप्रमाणे, 99.5% शुद्धतेचं सोने 450 रुपयांनी घसरून 1,00,050 रुपये प्रति 10 ग्रॅम (सर्व करांसह) वर राहिलं. मंगळवारी चांदीचे (GST Reform) भावही 1,000 रुपयांनी घसरून 1,14,000 रुपये प्रति किलो (सर्व करांसह) झाले.
सोनं-चांदी स्वस्त होण्याची कारणे
अंतरराष्ट्रीय राजकीय वातावरण: अमेरिकेचे अध्यक्ष डोनाल्ड ट्रम्प आणि युक्रेनचे अध्यक्ष व्होलोदिमिर झेलेन्स्की यांच्या व्हाईट हाऊस बैठकीत युक्रेनमधील युद्ध संपण्याची आशा निर्माण झाली. या बैठकीनंतर सोन्याच्या किमतींवर दबाव पडला.
देशांतर्गत जीएसटी सुधारणा: भारत सरकारने (PM Modi) जीएसटी नियमांमध्ये बदल केल्यामुळे डॉलर/रुपया विनिमय दर अधिक स्थिर झाला. परिणामी, देशांतर्गत सोन्याच्या किमतीवर घसरण झाली.
राहुल गांधी माफी मागणार का? संजय कुमार यांच्या माफीनंतर CM फडणवीसांचा पलटवार
तज्ज्ञांचे मत: अबन्स फायनान्शियल सर्व्हिसेसचे सीईओ चिंतन मेहता आणि मीरा अॅसेट शेअरखानचे कमोडिटीज प्रमुख प्रवीण सिंग यांचे म्हणणे आहे की, जीएसटी सुधारणांमुळे रुपयाला मजबुती मिळाली असून, यामुळे सोन्याचे भाव कमी झाले आहेत.
आंतरराष्ट्रीय बाजारात परिस्थिती
न्यू यॉर्कमध्ये स्पॉट सोन्याचा भाव 0.15 टक्क्याने वाढून $3,337.92 प्रति औंस झाला. स्पॉट चांदीचा भाव 0.19% ने वाढून $38.09 प्रति औंस झाला. जॅक्सन होल परिसंवादात अमेरिकन फेडरल रिझर्व्हचे अध्यक्ष जेरोम पॉवेल यांच्या विधानांवर आणि फेडच्या अलिकडच्या बैठकीच्या मिनिटांवर गुंतवणूकदारांचे लक्ष असल्याने सोन्याच्या किमती अस्थिर राहू शकतात, असे ऑगमोंटच्या संशोधन प्रमुख रेनिशा चैनानी यांनी सांगितले.
‘सीपीआर’ उपराष्ट्रपती झाले तर, क्रेडिट फडणवीसांना जाणार?; पडद्यामागे नेमकं गणित कसं फिरलं..
भविष्यातील अंदाज
एचडीएफसी सिक्युरिटीजचे कमोडिटीजचे वरिष्ठ विश्लेषक सौमिल गांधी म्हणाले, अमेरिकेतील गृहनिर्माण बाजाराच्या डेटा जाहीर होण्यामुळे डॉलर आणि सोन्याच्या किमतीमध्ये दिवसाच्या अखेरीस अस्थिरता दिसू शकते. तज्ज्ञांचे मत असे आहे की, जर रुपया अधिक मजबूत राहिला तर सोन्याच्या किमतीत आणखी दबाव येऊ शकतो.
