20th Installment Of PM Kisan Yojana : शेती करणाऱ्या कोट्यवधी शेतकऱ्यांसाठी (Farmer) मोठी बातमी आहे. पंतप्रधान नरेंद्र मोदी (PM Modi) आज, 2 ऑगस्ट 2025 रोजी, त्यांच्या वाराणसी येथील संसदीय मतदारसंघातून पंतप्रधान किसान सन्मान निधी (PM Kisan Yojana) योजनेचा 20 वा हप्ता जाहीर करणार आहेत. या कार्यक्रमांतर्गत, देशभरातील सुमारे 9.7 कोटी शेतकऱ्यांच्या बँक खात्यात थेट 2000 रुपयांचा हप्ता जमा होणार आहे.
पैसे नेमके कधी येणार?
पंतप्रधान मोदींचा कार्यक्रम सकाळी 11 वाजता वाराणसीत सुरू होणार आहे. याच कार्यक्रमात ते विविध विकास प्रकल्पांचे उद्घाटन व पायाभरणी करतील. त्याच वेळी पीएम किसान योजनेच्या 20 व्या हप्त्याचे वितरण करतील. त्यामुळे शेतकऱ्यांच्या खात्यात आजच पैसे ट्रान्सफर होणार आहेत.
मोठी बातमी! अमेरिकेच्या माजी उपराष्ट्राध्यक्ष कमला हॅरिस यांची राजकीय संन्यास घेण्याची घोषणा
20 वा हप्ता कोणत्या शेतकऱ्यांना मिळणार?
– या हप्त्याचा लाभ फक्त त्या शेतकऱ्यांनाच मिळेल,
– ज्यांची माहिती अधिकृत पीएम किसान पोर्टलवर योग्य व अपडेटेड आहे,
– ज्यांनी ई-केवायसी पूर्ण केली आहे,
– ज्यांचे बँक तपशील आणि आधार क्रमांक लिंक आहेत,
– ज्यांची जमीन संबंधित कागदपत्रांसह पडताळलेली आहे.
तुमचे नाव लाभार्थी यादीत आहे का? अशा प्रकारे तपासा :
– अधिकृत वेबसाइटला भेट द्या: https://pmkisan.gov.in
– ‘Farmer Corner’ या विभागात ‘लाभार्थी स्थिती (Beneficiary Status)’ वर क्लिक करा.
– तुमचे राज्य, जिल्हा, तालुका आणि गाव निवडा.
– आधार क्रमांक किंवा मोबाईल नंबर टाका.
– सर्व माहिती भरल्यानंतर “रिपोर्ट मिळवा (Get Report)” वर क्लिक करून तुमची पात्रता पाहू शकता.
मोठी बातमी! अमेरिकेच्या माजी उपराष्ट्राध्यक्ष कमला हॅरिस यांची राजकीय संन्यास घेण्याची घोषणा
पीएम किसान योजनेसाठी पात्रता काय?
– सरकारने या योजनेसाठी काही अटी निश्चित केल्या आहेत:
– शेतकऱ्यांकडे वैध आधार कार्ड असणे अनिवार्य आहे.
– आधार कार्ड बँक खात्याशी लिंक असणे आवश्यक.
– ई-केवायसी पूर्ण केलेली असावी.
– जमिनीची कागदपत्रे व पडताळणी पूर्ण असावी.
2019 मध्ये सुरू झालेल्या या योजनेअंतर्गत, आत्तापर्यंत 19 हप्त्यांमध्ये सुमारे 3.69 लाख कोटी रुपये शेतकऱ्यांच्या खात्यात जमा झाले आहेत. प्रत्येक पात्र शेतकऱ्याला दरवर्षी 6,000 रुपये तीन हप्त्यांत दिले जातात, म्हणजे प्रत्येक हप्त्याला 2,000 रुपये.
