बिहार विधानसभा निवडणुकीच्या दुसऱ्या टप्प्यातील मतदान आजं संपलं आहे. (Bihar) बिहारमध्ये मोठ्या प्रमाणात मतदार झालं आहे. त्यावरून जनतेने एकाच पक्षाला सत्ता सोपवण्याचा निर्णय घेतला का अशी चर्चा सुरु झाली आहे. विविध टीव्ही चॅनेल आणि एजन्सींनी आता त्यांचे एक्झिट पोल निकाल जाहीर करण्यास सुरुवात केली आहे.
MATRIZE-IANS मॅट्रिझ-इयान्सचा एक्झिट पोल
मॅट्रिझ-इयान्स एक्झिट पोलमध्ये NDA ला १४७-१६७ आणि महाआघाडीला ७०-९० जागा मिळतील असा अंदाज आहे. आणखी चार एक्झिट पोलही जाहीर झाले आहेत, जे सर्व NDA ला मोठ्या विजयाचा अंदाज व्यक्त करत आहेत. तथापि, खरे चित्र १४ नोव्हेंबर रोजी, मतमोजणीच्या दिवशी, मतमोजणी झाल्यानंतर अधिकृत निकाल जाहीर झाल्यावरच स्पष्ट होईल.
दोन टप्प्यात मतदान
पहिला टप्पा ६ नोव्हेंबर रोजी आणि दुसरा टप्पा ११ नोव्हेंबर रोजी. सर्वांचे लक्ष आता एक्झिट पोलवर आहे, जे आज संध्याकाळी जाहीर होणार आहे, जे बिहारचा जनादेश कोणत्या दिशेने जाऊ शकतो हे दर्शवते. हे एक्झिट पोलचे अचूक आकडे आहेत असं म्हणता येत नाही. हे फक्त अंदाज आहेत. बिहार निवडणुकीसाठी पाचवा एक्झिट पोल प्रसिद्ध झाला आहे, ज्यामध्ये एनडीएला १३०-१३८ जागा, महाआघाडीला १००-१०८ आणि इतरांना ३-५ जागा मिळतील असा अंदाज आहे.
चौथा एक्झिट पोल
पोलस्ट्रॅटने केलेल्या बिहार निवडणुकीसाठीच्या चौथ्या एक्झिट पोलमध्ये एनडीएला स्पष्ट बहुमत मिळण्याचा अंदाज आहे. पोलस्ट्रॅटच्या मते, एनडीए १३३-१४८ जागा, महाआघाडीला ८७-१०२ जागा आणि इतरांना ३-५ जागा मिळू शकतात. पक्षनिहाय विचार करता, भाजप ६८-७२ जागा, जेडीयू ५५-६० जागा, एलजेपी (आर) ९-१२ जागा, एचएएम १-२ जागा आणि आरएलएम ०-२ जागा जिंकू शकतात.
मतदानाच्या सर्व्हेक्षणात एनडीएचा दणदणीत विजय
पोलच्या सर्व्हेक्षणात (३ एक्झिट पोल) असं दिसून आलं आहे की एनडीए जोरदार पुनरागमन करेल आणि १३८-१५५ जागा जिंकेल. महाआघाडीला ८२-९८ जागा, जनसुराजला ०-२ आणि इतरांना ३-७ जागा मिळतील असा अंदाज आहे.
पीपल्स इनसाइट एक्झिट पोलने एनडीए सरकारचाही अंदाज वर्तवला आहे.
पीपल्स इनसाइट एक्झिट पोलने एनडीएला १३३-१४८ जागा मिळतील असा अंदाज वर्तवला आहे, तर महाआघाडीला ८७-१०२ जागा मिळतील असा अंदाज आहे. जनसुराजला ०-२ आणि इतरांना ३-६ जागा मिळतील असा अंदाज वर्तवण्यात आला आहे.