Rohit Pawar Big Alligation : शरदचंद्र पवार पक्षाचे आमदार रोहित पवार (Rohit Pawar) यांनी लाडकी बहिण योजनेवरून (Ladki Bahin Yojana) सरकारवर जोरदार टीका केली. महायुती सरकार (Mahayuti) दलालीच्या दलदलीत पोखरलं गेलं आहे. लाडकी बहिण योजनेतही मोठ्या प्रमाणात भ्रष्टाचार होत असल्याचा गंभीर आरोप त्यांनी केला.
त्याला माझे हातपाय तोडताना पाहायचं होतं; राष्ट्रवादी शरद पवार गटाच्या नेत्याचा खळबळजनक दावा
रोहित पवारांनी एक्स अकाऊंटवर एक पोस्ट केली. त्यात त्यांनी लिहिलं की, हे सरकार दलालीच्या दलदलीत इतकं पोखरलं गेलंय की लाडकी बहीण योजनेला सुद्धा भ्रष्टाचारातून सुट्टी दिलेली नाही. सरकार ‘लाडकी बहिण’ योजनेच्या जाहिरातींसाठी कोट्यवधी रुपये खर्च तर करत असून यातही मोठ्या प्रमाणात अपहार होत असल्याची चर्चा आहे, असं रोहित पवारांनी म्हटलं.
पुढं त्यांनी लिहिलं की, १५ ऑगस्ट २०२४ रोजी सरकारने लाडकी बहिण योजनेच्या जाहिरातींसाठी २०० कोटी रुपये खर्चाचा GR काढला होता आणि २३ नोव्हेंबर २०२३ रोजी सरकारच्या निर्णयात ज्या संस्थांची नावे आहेत, त्यांना ही कामे माहिती व जनसंपर्क विभागामार्फत देणे अपेक्षित होते, परंतु ५ फेब्रुवारी २०२५ रोजी महिला व बालविकास विभागाने नवीन जीआर काढून लाडकी बहिण योजनेच्या जाहिरातीसाठी ३ कोटींची मान्यता दिली. १५ ऑगस्ट २०२४ रोजच्या जीआर मधील २०० कोटींच्या मर्यादेतीलच ही रक्कम असल्याचे या जीआरमध्ये नमूद असले तरी २३ नोव्हेंबर २०२३ च्या जीआरमध्ये नमूद संस्थांना काम देण्याऐवजी हे काम इतर संस्थांना दिल्याची माहिती आहे, असं ते म्हणाले.
VIDEO: शनिशिंगणापूर ट्रस्ट घोटाळा : अधिकाऱ्याच्या आत्महत्येने एक कडी तुटली ?
कंपन्या कुणाशी संबंधित आहेत?
माहिती जनसंपर्क विभाग असताना महिला बालविकास विभागाने ही कामे का दिली? ज्या कंपन्यांना कामे देण्यात आली त्या कंपन्या कोणत्या आणि कुणाच्या आणि कुणाशी संबंधित आहेत? माहिती अधिकार कार्यकर्त्यांनी या कंपन्यांची माहिती मागवली असता महिला बालविकास विभाग यासंदर्भातील माहिती का लपवत आहे? बोगस कंपन्यांना ही कामे देण्यात आली का? याचा खुलासा सरकारने करावा, अशी मागणी रोहित पवारांनी केली. तसंच आम्ही पुराव्याशिवाय आरोप करत नाहीत, असंही ते म्हणाले.
दरम्यान, लाडकी बहिण योजनेमध्ये भ्रष्टाचार झाला आहे, असा आरोप रोहित पवारांनी केला असून त्यांच्या या टीकेला सरकार काय प्रत्युत्तर देणार, हेच पाहणं महत्वाचं ठरणार आहे.
