WTC Final 2023, India vs Australia: वर्ल्ड टेस्ट चॅम्पियनशिप (WTC) अंतिम सामना आता अतिशय रोमांचक टप्प्यावर पोहोचला आहे. चौथ्या दिवसाचा खेळ संपला तेव्हा भारतीय संघाची धावसंख्या 3 गड्यांच्या मोबदल्यात 164 धावा होती. टीम इंडियाला हा सामना जिंकण्यासाठी अजून 280 धावांची गरज आहे. दिवसाचा खेळ संपला तेव्हा विराट कोहली 44 आणि अजिंक्य रहाणे 20 धावा करून नाबाद पॅव्हेलियनमध्ये परतले.(ind-vs-aus-wtc-final-2023-at-day-4-end-india-scored-2nd-innings-164-runs-needs-280-runs-to-win-this-match-india-vs-australia)
पहिल्या सत्रात ऑस्ट्रेलियाने 2 विकेट गमावल्या
चौथ्या दिवसाची सुरुवात ऑस्ट्रेलियन संघासाठी चांगली झाली नाही. मारांश लबुशेनच्या रूपाने संघाने लवकरच 5वी विकेट गमावली. 41 धावांच्या वैयक्तिक धावसंख्येवर उमेश यादवने लबुशेनला पुजाराकडून झेलबाद करून पॅव्हेलियनमध्ये पाठवले. यानंतर फलंदाजीसाठी आलेल्या अॅलेक्स कॅरीने कॅमेरून ग्रीनसह संथ गतीने धावसंख्या वाढवण्यास सुरुवात केली
रवींद्र जडेजाने ही भागीदारी तोडली जेव्हा त्याने ग्रीनला आपला शिकार बनवले. ऑस्ट्रेलियन संघाला सहावा धक्का 167 धावांवर बसला. 95 चेंडूत 25 धावा करून ग्रीन बाद झाला. उपाहारापर्यंत ऑस्ट्रेलियन संघाने दुसऱ्या डावात 6 गडी गमावून 201 धावा केल्या होत्या.
WTC Final 2023: ऑस्ट्रेलियन संघाने केले बॉल टेम्परिंग? जाणून घ्या या दाव्यामागील संपूर्ण सत्य…
ऑस्ट्रेलियाने डाव घोषित केला
दुस-या सत्राच्या सुरुवातीसह, अॅलेक्स कॅरी आणि मिचेल स्टार्कने वेगवान धावा काढण्याची प्रक्रिया सुरू केली, जिथे कॅरीने आपले अर्धशतक पूर्ण केले, तर 7व्या विकेटसाठी दोघांमध्ये 50 धावांची भागीदारीही झाली. मिचेल स्टार्कने अप्रतिम फलंदाजी दाखवत 57 चेंडूत 41 धावांची शानदार खेळी केली.
स्टार्क बाद झाल्यानंतर फलंदाजीला आलेला कर्णधार पॅट कमिन्स अवघ्या 5 धावा करून बाद झाला. यासह ऑस्ट्रेलियन संघाने आपला दुसरा डाव 270 धावांवर घोषित केला आणि भारताला 444 धावांचे मोठे लक्ष्य दिले. भारताच्या गोलंदाजीत रवींद्र जडेजाने 3 तर मोहम्मद शमी आणि उमेश यादवने 2-2 बळी घेतले. मोहम्मद सिराजच्या खात्यात या डावात केवळ 1 विकेट आली
चहाच्या वेळेपासून भारतीय संघाला फलंदाजीची संधी मिळाली आणि कर्णधार रोहित शर्मासह शुभमन गिलने सकारात्मक सुरुवात केली. दोघांनी मिळून वेगवान 41 धावा जोडल्या. पण चहापानापूर्वी भारतीय संघाने 18 धावांची इनिंग खेळून पॅव्हेलियनमध्ये परतलेल्या गिलची विकेट गमावली.
WTC Final : रोहितने रचला इतिहास, अशी कामगिरी करणारा ठरला तिसरा सलामीवीर
रोहित आणि पुजाराच्या रूपाने दोन धक्के, कोहली आणि रहाणेच्या आशा टिकवला
चौथ्या दिवसाच्या शेवटच्या सत्राला सुरुवात होताच कर्णधार रोहित शर्मा आणि चेतेश्वर पुजारा या दोघांनीही सकारात्मक फलंदाजी सुरू ठेवली. त्यामुळे भारतीय संघाचा धावा करण्याचा वेग 4 धावांच्या आसपास दिसत होता. रोहितने पुजारासह दुसऱ्या विकेटसाठी अर्धशतकी भागीदारीही लवकरच पूर्ण केली. पण यादरम्यान नॅथन लायनने रोहितच्या रूपाने टीम इंडियाला दुसरा धक्का दिला.
लियॉनच्या चेंडूवर कर्णधार रोहित शर्माने स्वीप शॉट खेळण्याचा प्रयत्न केला पण चेंडू थेट पॅडवर आदळला आणि त्याला एलबीडब्ल्यू आऊट झाल्यानंतर पॅव्हेलियनमध्ये परतावे लागले. रोहितच्या बॅटमधून 43 धावांची खेळी पाहायला मिळाली. टीम इंडियाने 92 च्या स्कोअरवर तिसरा विकेट गमावला. यानंतर लगेचच ९३ धावांवर पुजाराच्या रूपाने संघाने तिसरी विकेट गमावली. पुजाराने पॅट कमिन्सच्या चेंडूवर असा फटका खेळण्याचा प्रयत्न केला ज्याची कोणी कल्पनाही केली नव्हती. पुजारा 27 धावा करून पॅव्हेलियनमध्ये परतला.
इथून सगळ्यांना वाटले की ऑस्ट्रेलियन संघाने सामन्यावर पूर्णपणे कब्जा केला आहे. पण अजिंक्य रहाणे आणि विराट कोहली या जोडीने या सामन्यात टीम इंडियाला टिकवून ठेवण्यासाठी धावांचा वेग कायम ठेवण्याचे काम केले. हे सर्व मिळून चौथ्या दिवसाचा खेळ संपला तेव्हा स्कोअर 3 गड्यांच्या मोबदल्यात 164 पर्यंत पोहोचला. रहाणे आणि कोहली यांनी आतापर्यंत चौथ्या विकेटसाठी 71 धावांची भागीदारी केली आहे. टीम इंडियाला आता 5व्या दिवशी विजयासाठी 280 धावांची गरज आहे.
