Anupam Kher Video: बॉलिवूड (Bollywood) अभिनेता अनुपम खेर (Anupam Kher) अनेकदा सोशल मीडियावर (social media) वेगवेगळ्या लोकांना भेटतानाचे त्यांचे अनुभव शेअर करत असतात. आता त्याच्यासोबत एक मजेदार घटना घडली आहे. नुकताच शेअर केलेला एक व्हिडीओ सध्या चर्चेचा विषय ठरत आहे. रस्त्याच्या कडेला कंगवा विकणाऱ्या एका माणसाशी बोलताना अनुपम खेर पाहायला मिळाले आहेत.
कंगव्याची गरज नसतानाही, अभिनेता अनुपम खेर यांनी कंगवा विकत घेतला असल्याचे पाहायला मिळत आहे. अनुपम खेर यांनी इंस्टाग्रामवर या व्हिडिओला कॅप्शन देखील दिले आहे, “टक्कल आणि सुंदर! मुंबईतील एक मजेदार सामना: असे त्या व्हिडिओला उद्देशून म्हंटले आहे. राजू मुंबईच्या रस्त्यावर कंगवा विकतो. परंतु मला कंगवा विकत घेण्याची गरज नाही, मात्र त्याचा वाढदिवस असल्याने ते खरेदी केलं आहे.
अनुपम खेर यांनी पुढे लिहिले की, “त्याला वाटले की मी कंगवा विकत घेतला तर ती तिच्यासाठी चांगली सुरुवात असेल. मला खात्री आहे की त्या व्यक्तीने देखील त्याच्या आयुष्यात चांगले दिवस पाहिले आहेत. त्याचे स्मित खूप गोड आणि प्रेरणादायी होते. तुम्ही कधी त्याला पाहिले तर तुम्ही देखील त्याच्याकडून कंगवा विकत घ्या. तुमचे केस असो वा नसो. तो त्याच्या साध्या स्वभावाने तुमचा दिवस उजळणार आहे.
Aditya Dhar: ‘Article 370’ सिनेमावर निर्मात्याने थेटच सांगितलं; म्हणाला, ‘मी नेहमीच स्पष्ट होतो… ‘
अनुपम खेर यांनी एका कंगव्यासाठी राजूला 400 रुपये दिले राहवत, त्यामुळे राजूच्या चेहऱ्यावर हसू उमटले. आधी कंगवा विकत घेण्यास अनुपम कचरत असतानाही राजूने त्यांना ते खरेदी करण्याचा आग्रह केल्याचे पाहायला मिळाले आहे.
या व्हिडिओचं चाहत्यांनी केलं तोंडभरून कौतुक: कंगवा विक्रेत्या राजूने असेही सांगितले की जर अनुपमने कंगवा विकत घेतला तर त्या दिवशी उरलेल्या सर्व कंगवा विकण्याचा त्याला विश्वास आहे. आपण वांद्रेहून अंधेरी येथे कंगवा विकण्यासाठी आलो असल्याचे राजूने अनुपम यांना सांगितले. अनुपमच्या या व्हिडिओवर चाहत्यांनी कमेंटचा वर्षाव केला आहे. यावर एका यूजरने लिहिले की, “अनुपम सर, तुमचा हा चेहरा खूप प्रेरणादायी आहे.” तर दुसऱ्याने लिहिले आहे की, “सर तुम्ही खूप छान व्यक्ती आहात.” दुसरा म्हणाला, “तुझ्या या छोट्याशा कृतीने तिचा दिवस उजाडला आणि तिचे स्मितहास्य केले. अशा कॉमेंट्स सध्या त्यांच्या पोस्टला मिळत आहेत.
