Chhawa Movie : छावा चित्रपटाने धुमाकुळ घातलाय. विकी कौशल, रश्मिका मंदान्ना आणि अक्षय खन्ना यांच्या प्रमुख भूमिका असलेला या चित्रपटाने बॉक्स ऑफिसवर धडाकेबाज कामगिरी करत आहे. (Chhawa ) छत्रपती संभाजी महाराज यांच्या जीवनावर आधारित या ऐतिहासिक चित्रपटाने प्रेक्षकांना मोठ्या प्रमाणावर आकर्षित केले असून, थिएटरमध्ये जबरदस्त प्रतिसाद मिळत आहे.
मॅडॉक फिल्म्सच्या बॅनरखाली निर्मिती झालेल्या छावाने पहिल्या दिवशीच २८.५० कोटींचा दमदार गल्ला जमवला. चित्रपटाच्या उत्कृष्ट कथानकामुळे आणि तगड्या स्टारकास्टमुळे दुसऱ्या दिवशी म्हणजेच शनिवारी आणखी मोठी वाढ झाली आणि तब्बल ३४ कोटींची कमाई झाली. आता तिसऱ्या दिवशी गाठला 86 कोटी रुपयांचा टप्पा .
पहिल्या दिवशीच्या भरघोस प्रतिसादानंतर दुसऱ्या दिवशीही प्रेक्षकांची थिएटरमध्ये गर्दी पाहायला मिळाली आहे. विकी कौशल आणि रश्मिका मंदान्नाच्या ‘छावा’ चित्रपटाने पहिल्याच दिवशी 2025 सालचा आतापर्यंतचा सर्वात मोठा ओपनिंग करणारा हिंदी चित्रपटाचा मान मिळवला आहे. शुक्रवारी म्हणजेच प्रदर्शनाच्या पहिल्या दिवशी चित्रपटाने ३३.०१ कोटींची कमाई केलेली आहे. बॉक्स ऑफिसवर भरघोस कमाई केल्यानंतर चित्रपटाने दुसऱ्या दिवशी ३७ कोटींची कमाई केलेली आहे. दोन दिवसांत चित्रपटाने देशात बॉक्स ऑफिसवर ६८ कोटींची कमाई केलेली आहे. या कमाईचा आकडा सॅकल्निक ट्रेड ॲनालिस्टने दिली आहे.
आज रविवारीही चित्रपटाला प्रचंड प्रतिसाद मिळत असून हा चित्रपट आजपर्यंतचा सर्वाधिक कमाईचा दिवस ठरू शकतो. प्राथमिक अंदाजानुसार, छावा ३८ ते ४० कोटींच्या घरात कमाई करू शकतो, ज्यामुळे पहिल्या तीन दिवसांतच त्याने १०० कोटींचा टप्पा गाठण्याची शक्यता आहे.
देशभरातील कमाईचा आकडा वाढत असताना जगभरातीलही कमाईचा आकडा वाढताना दिसत आहे. अनेक ठिकाणी चित्रपटाचे शो हाऊसफुल्ल म्हणून दाखवले जात आहे. विकी कौशलच्या अभिनयाला प्रेक्षकांकडून भरभरुन दाद मिळत आहे. बिगेस्ट ऑपनरमध्ये अनेक बॉलिवूड चित्रपटांनाही छावा चित्रपटाने मागे टाकले आहे. ‘गली बॉय’ने पहिल्या दिवशी १९.४० कोटी कमावले होते, तर छावाने ३३.१ कोटी रूपयांची ओपनिंग केली. स्काय फोर्स या चित्रपटाने पहिल्या दिवशी १५.३० कोटी रूपयांची कमाई केली होती, तर छावाने दोन दिवसांतच ५० कोटींपेक्षाही अधिकची मजल मारली आहे. स्काय फोर्सने ३ दिवसांत ५० कोटी कमावले, पण छावाने हा टप्पा केवळ २ दिवसांत पार करत सर्वांचेच लक्ष वेधले.
