Using Mobile Phones Before Bedtime Increases Insomnia Risk : तुम्ही पण झोपण्यापूर्वी मोबाईल पाहता का? मग ही बातमी तुमच्यासाठी आहे. अनेकदा आपण झोपण्यापूर्वी मोबाईल (Health Tips) पाहतो. त्यामुळे आपल्या वेळेचं गणित बिघडते. याचा परिणाम आपल्या झोपेवर होतो. आजच्या डिजिटल जीवनशैलीत आपल्यापैकी बहुतेक जण झोपण्यापूर्वीपर्यंत मोबाईल स्क्रीनवर (Mobile Phone) व्यस्त राहतात. परंतु, त्याचा आपल्या शरीरावर आणि मनावर काय परिणाम होईल, याची आपण कल्पनाही करू शकत नाही. जर तुम्ही झोपण्यापूर्वी काही वेळ मोबाईल फोन वापरत (Insomnia Risk) असाल, तर त्याचा झोपेच्या गुणवत्तेवर खोलवर परिणाम होऊ शकतो. यामुळे हळूहळू निद्रानाशासारख्या गंभीर झोपेच्या समस्या उद्भवू शकतात.
झोपण्यापूर्वी मोबाईल वापरणे चुकीचे?
मोबाईल स्क्रीनमधून निघणारा निळा प्रकाश आपल्या मेंदूमध्ये झोप आणणाऱ्या मेलाटोनिन नावाच्या हार्मोनचे उत्पादन थांबवतो. त्यामुळे, आपला मेंदू झोपेचा वेळ ओळखू शकत नाही. जेव्हा तुम्ही झोपण्यापूर्वी सोशल मीडिया, व्हिडिओ किंवा चॅटमध्ये व्यस्त असता तेव्हा आराम करण्याऐवजी तुमचे मन अधिक सक्रिय होते, ज्यामुळे झोपेला उशीर होतो.
उशिरा झोपणे आणि वारंवार जागे होणे, हे दोन्ही मोबाईलच्या अतिवापराशी संबंधित आहेत. झोपण्यापूर्वी बातम्या, सोशल मीडिया किंवा कामाशी संबंधित गोष्टी पाहिल्याने ताण आणि चिंता वाढते. यामुळे तुमची झोप बिघडू शकते.
शुभचिंतकच्या नव्या पोस्टरमध्ये स्वप्नीलचा डॅशिंग अंदाज! चाहत्यांची उत्सुकता वाढली…
निद्रानाशाचा धोका
जर झोपण्यापूर्वी मोबाईल पाहण्याची सवय तुमच्या दैनंदिन दिनचर्येचा भाग बनली, तर ती हळूहळू तुमच्या झोपेच्या वेळेत व्यत्यय आणते. काही लोकांना झोप यायला तासन्तास लागतात किंवा रात्रभर झोप येत नाही.
पद्मविभूषण कुमार मंगलम बिर्ला यांना यंदाचा लता मंगेशकर पुरस्कार, ‘या’ दिवशी सन्मानित करण्यात येणार
निद्रानाशाची लक्षणे कोणती?
रात्री वारंवार जागे होणे
झोपेचा अभाव
सकाळी थकवा जाणवणे
चिडचिड आणि एकाग्रतेचा अभाव
झोपेची गुणवत्ता सुधारण्यासाठी आपण पुढील गोष्टी करू शकतो. झोपण्यापूर्वी किमान 30 ते 60 मिनिटे आधी तुमचा मोबाईल फोन बंद करा. जर तुम्हाला मोबाईल पाहायचे असेल तर ब्लू लाईट फिल्टर किंवा नाईट मोड वापरा. तुमच्या बेडरूमला स्क्रीनशिवाय जागा बनवा. जर तुम्हाला झोप येत नसेल, तर झोपण्यापूर्वी पुस्तक वाचा, ध्यान करा किंवा संगीत ऐका.
