Independence Day : नाशिक (Nashik) आणि रायगडच्या (Raigad) पालकमंत्रिपदावरून गेल्या काही दिवसांपासून महायुतीमध्ये (Mahayuti) वाद पाहायला मिळत आहे. यातच राज्य सरकारने स्वातंत्र्य दिनाला (Independence Day Flag Hoisting) कोण कुठे ध्वाजारोहण करणार याची यादी जाहीर केल्यानंतर पुन्हा एकदा महायुतीमध्ये सुरु असणारा वाद समोर आला आहे. राज्य सरकारकडून देण्यात आलेल्या माहितीनुसार गिरिष महाजन (Girish Mahajan) नाशिकमध्ये ध्वाजारोहण करणार आहे तर मंत्री छगन भुजबळ (Chhagan Bhujbal) गोंदियामध्ये 15 ऑगस्टच्या दिवशी ध्वाजारोहण करणार आहे मात्र आता ध्वाजारोहण करण्यासाठी छगन भुजबळ यांनी नकार दिला असल्याची माहिती समोर आली आहे.
2027 मध्ये नाशिकमध्ये कुंभमेळा (Kumbh Mela) होत असल्याने नाशिक पालकमंत्रिपदासाठी तिन्ही पक्ष दावा करत आहे. राज्य सरकारकडून नाशिकमध्ये ध्वाजारोहण करण्याची जबाबदारी गिरीश महाजन यांना देण्यात आल्याने शिवसेना नेते दादा भुसे (Dada Bhuse) आणि राष्ट्रवादी काँग्रेसचे नेते छगन भुजबळ यांनी नाराजी व्यक्त केली आहे. नाशिक येथे स्वातंत्र्य दिनानिमित्त ध्वाजारोहण करण्याची संधी न मिळाल्याने मंत्री छगन भुजबळ नाराज असल्याने त्यांनी गोंदियामध्ये ध्वाजारोहण करण्यास नकार दिल्याची चर्चा सध्या राजकीय वर्तुळात जोराने सुरु आहे. तर दुसरीकडे छगन भुजबळ यांनी ध्वाजारोहण करण्यास नकार दिल्याने मुख्यमंत्री देवेंद्र फडणवीस यांनी मोठा निर्णय घेतला आहे.
नाशिक पालकमंत्री पदासाठी शिवसेनेकडून मागणी होत असताना आता राष्ट्रवादी काँग्रेस देखील नाशिकच्या पालकमंत्री पदाची मागणी करत आहे. त्यामुळे पालकमंत्री पदावरुन महायुतीमध्ये सर्वकाही ठीक नसल्याची देखील माहिती समोर येत आहे. तर दुसरीकडे मंत्री छगन भुजबळ यांनी गोंदियामध्ये ध्वाजारोहण करण्यास नकार दिल्याने मुख्यमंत्री देवेंद्र फडणवीस यांनी मोठा निर्णय घेत सर्वांना धक्का दिला आहे.
Video : “आता निवडणूक आयोगानेच भूमिका स्पष्ट करावी”, अजितदादांच्या मनात नेमकं काय?
मुख्यमंत्री देवेंद्र फडणवीस यांनी 15 ऑगस्ट रोजी गोंदिया येथे ध्वाजारोहण करण्याची जबाबदारी मंत्री मंगलप्रभात लोढा यांना दिली आहे. त्यामुळे आता महायुतीमध्ये नाराजीनाट्य सुरु असल्याची चर्चा सध्या राजकीय वर्तुळात सुरु आहे.
