IPS Anjana Krishna : काही दिवसांपासून अचानक आयपीएस अंजना कृष्णा यांचं नाव मोठ्या प्रमाणात चर्चेत आलं. ते येण्याच कारण ठरले राज्याचे उपमुख्यमंत्री अजित पवार. अंजना कृष्णा या सोलापूर जिल्ह्यातील करमाळा येथे उपविभागीय पोलीस अधिकारी (डीएसपी) म्हणून कार्यरत आहेत. आता त्यांच्या शिक्षण आणि परिस्थितीबद्दल चर्चा सुरू झाल्या आहेत.
अंजना या केरळमधील तिरुवनंतपुरम येथील असून त्यांनी यूपीएससी परीक्षेत ३५५ वा रँक मिळवला आहे. नुकतीच त्यांची आणि उपमुख्यमंत्री अजित पवार यांच्यासोबत झालेल्या एका कथित बाचाबाचीचा व्हिडिओ क्लिप व्हायरल झाल्याने त्या प्रकाशझोतात आल्या आहेत. अंजना कृष्णा यांचे शालेय शिक्षण सेंट मेरी सेंट्रल स्कूल, पूजापुरा येथे झाले. (Krishna) त्यानंतर त्यांनी एनएसएस कॉलेज फॉर वुमन, नीरमंकारा येथून गणित विषयात बीएससी पदवी प्राप्त केली. अंजना कृष्णा यांचे मूळ गाव केरळमधील तिरुवनंतपुरम आहे. त्यांची आई सीना कोर्टात टायपिस्ट आहेत, तर वडील बीजू कृष्णा कपड्यांचा छोटा व्यवसाय करतात.
नागरी सेवेमध्ये जाण्याचे स्वप्न त्यांनी शिक्षण घेत असतानाच पाहिले आणि तयारी सुरू केली. यूपीएससीसारखी कठीण परीक्षा पास करणं सोपं नसतं. पण अंजना कृष्णा यांनी सतत मेहनत केली आणि यश मिळेपर्यंत थांबल्या नाहीत. त्यांच्या कठोर परिश्रमामुळे आणि चिकाटीमुळे त्यांना यश मिळाले. यूपीएससी नागरी सेवा परीक्षा 2022-23 मध्ये त्यांनी 355 वा रँक मिळवला. या यशानंतर त्यांना आयपीएस (भारतीय पोलीस सेवा) कॅडर मिळाले. अंजना कृष्णा या सध्या आपल्या राज्यातील सोलापूर जिल्ह्यातील करमाळा तहसीलमध्ये डीएसपी म्हणून कार्यरत आहेत.
या ठिकाणी त्या कायदा व सुव्यवस्था राखण्याची आणि समाजात सुरक्षितता मजबूत करण्याची जबाबदारी सांभाळत आहेत. त्यांच्या UPSC मधील यशामुळे अनेक तरुणांना प्रेरणा मिळाली आहे. अंजना कृष्णा यांचे कार्य कर्तव्य, प्रामाणिकपणा आणि कठोर परिश्रमाचे महत्त्व दर्शवते. सोलापूर जिल्ह्यातील कुर्डू गावातून एक व्हिडिओ समोर आला आहे. या व्हिडिओमध्ये अंजना कृष्णा महाराष्ट्राचे उपमुख्यमंत्री यांच्याशी बोलताना दिसत आहेत. अंजना सोलापूर जिल्ह्याच्या करमाळा तहसीलच्या डीएसपी आहेत. अजित पवार यांच्यासोबतच्या चर्चेमुळे त्या चर्चेत आल्या आहेत.
