‘धुरंधर’ची पुन्हा थिएटरमध्ये एंट्री; जगभरातील 1000 पेक्षा जास्त स्क्रीन्सवर आजपासून प्रदर्शन

चित्रपटाचा सिक्वेल धुरंधर द रिवेंज प्रदर्शित होण्यापूर्वी प्रेक्षकांची उत्सुकता वाढवण्यासाठी ही री-रिलीज करण्यात आली आहे.

‘Dhurandhar’ re-enters theaters : भारतीय चित्रपटसृष्टीतील सर्वात मोठ्या री-रिलीजपैकी एक ठरत असलेला ग्लोबल ब्लॉकबस्टर धुरंधर आज म्हणजेच 13 मार्च 2026 पासून जगभरातील चित्रपटगृहांमध्ये पुन्हा प्रदर्शित होत आहे. या चित्रपटाचा सिक्वेल धुरंधर द रिवेंज प्रदर्शित होण्यापूर्वी प्रेक्षकांची उत्सुकता वाढवण्यासाठी ही री-रिलीज करण्यात आली आहे. सुरुवातीला हा चित्रपट जगभरात सुमारे 500 स्क्रीन्सवर पुन्हा प्रदर्शित करण्याची योजना होती.

मात्र चाहत्यांचा आणि चित्रपटगृह मालकांचा प्रचंड प्रतिसाद, सोशल मीडियावर सुरू असलेली चर्चा आणि वाढती मागणी लक्षात घेता आता हा आकडा वाढवून 1000 हून अधिक स्क्रीन्सपर्यंत नेण्यात आला आहे. त्यामुळे देशासह परदेशातही या चित्रपटाच्या पुनर्प्रदर्शनाला मोठा प्रतिसाद मिळण्याची शक्यता व्यक्त केली जात आहे. धुरंधर हा चित्रपट आपल्या मूळ प्रदर्शनाच्या वेळी प्रेक्षकांच्या मनावर अधिराज्य गाजवत अनेक बॉक्स ऑफिस विक्रम मोडण्यात यशस्वी ठरला होता.

दमदार कथा, भव्य अ‍ॅक्शन सीक्वेन्स, प्रभावी संगीत आणि कलाकारांच्या ताकदीच्या अभिनयामुळे या चित्रपटाला प्रेक्षकांचा प्रचंड प्रतिसाद मिळाला होता. त्यामुळेच आजही या चित्रपटाची लोकप्रियता कायम असून, त्याच्या पुनर्प्रदर्शनासाठी चाहत्यांमध्ये विशेष उत्सुकता पाहायला मिळत आहे. चित्रपट विश्लेषकांच्या मते, एखादा चित्रपट पुन्हा प्रदर्शित करूनही प्रेक्षकांना थिएटरमध्ये खेचण्याची ताकद फारच कमी चित्रपटांमध्ये असते.

मोशीतील शासकीय वसतिगृहात आरोग्याचा प्रश्न ऐरणीवर, दूषित पाणी पिल्याने 20 विद्यार्थ्यांना विषबाधा

धुरंधर हा त्यापैकीच एक चित्रपट ठरला आहे. या री-रिलीजमुळे नवीन पिढीतील प्रेक्षकांनाही मोठ्या पडद्यावर हा चित्रपट पाहण्याची संधी मिळणार आहे, तर ज्यांनी आधी पाहिला आहे तेही पुन्हा एकदा थिएटरमध्ये जाऊन हा अनुभव घेण्यासाठी उत्सुक असल्याचे दिसत आहे. दरम्यान, धुरंधर चित्रपटगृहांमध्ये 100 दिवसांचा टप्पा पूर्ण करण्याच्या उंबरठ्यावर असतानाच होत असलेली ही मोठी ग्लोबल री-रिलीज त्याच्या दमदार थिएट्रिकल रनला आणखी बळ देणारी ठरत आहे.

यामुळे चित्रपटाच्या एकूण कमाईतही वाढ होण्याची शक्यता व्यक्त केली जात आहे. याच पार्श्वभूमीवर लवकरच प्रदर्शित होणाऱ्या धुरंधर द रिवेंज या सिक्वेलकडेही प्रेक्षकांचे लक्ष लागले आहे. पहिल्या भागाच्या यशानंतर या सिक्वेलबद्दलही मोठ्या अपेक्षा व्यक्त केल्या जात आहेत. त्यामुळे धुरंधरची ही री-रिलीज केवळ चित्रपटाचा उत्सव नसून, आगामी सिक्वेलसाठी तयार होणारा भक्कम पाया मानला जात आहे.

संबंधित बातम्या