चित्रपट ‘एक दिन’चे निर्माते मन्सूर खान यांनी आपल्या भूमिकेबाबत काय सांगितले

आमिर खान आणि चित्रपट निर्माता मन्सूर खान पुन्हा एकत्र येत असल्याने हिंदी चित्रपटसृष्टीतील आवडत्या सर्जनशील जोड्यांपैकी एक पुन्हा सक्रिय झाली.

Ek Din producer Mansoor Khan clarifies his role : आमिर खान प्रॉडक्शन्सच्या आगामी ‘एक दिन’ या चित्रपटाबद्दल प्रेक्षकांमध्ये मोठी उत्सुकता निर्माण झाली आहे. हृदयाला भिडणाऱ्या सुंदर प्रेमकथेचे आश्वासन देणाऱ्या या चित्रपटाने आपल्या झलक आणि सुरेल गाण्यांमुळे आधीच लोकांची मने जिंकली आहेत. या चित्रपटामुळे आमिर खान आणि मन्सूर खान दीर्घ काळानंतर पुन्हा एकत्र आले आहेत. मात्र या चित्रपटात निर्माता म्हणून आपल्या भूमिकेबाबत मन्सूर यांचा वेगळाच दृष्टिकोन आहे.

‘एक दिन’चे निर्माता म्हणून विचार मांडताना मन्सूर खान म्हणाले, “दिग्दर्शक एकच असू शकतो. त्यामुळे मी एका ‘निगराणी’ करणाऱ्या व्यक्तीसारखा होतो, जो दिग्दर्शक अब्बास टायरवाला यांना अभिप्राय देत होता. त्यांना यात कोणताही धोका वाटला नाही, उलट त्यांनी माझे स्वागत केले. मी चित्रपट करताना नेहमी प्रामाणिकपणे काम केले. मला प्रेरणा देणारे विषय आणि व्यक्तिरेखा मी निवडल्या. ‘एक दिन’ हा क्षणिक विस्मरणाच्या आजाराच्या विषयाला स्पर्श करणारा चित्रपट आहे आणि माझा सहभाग कथालेखन अंतिम करण्यापासून चित्रीकरण, संपादन आणि ध्वनीपर्यंत मोठ्या प्रमाणात होता.”

दीर्घ काळानंतर आमिर खान आणि चित्रपट निर्माता मन्सूर खान पुन्हा एकत्र येत असल्याने हिंदी चित्रपटसृष्टीतील सर्वाधिक आवडत्या सर्जनशील जोड्यांपैकी एक पुन्हा सक्रिय झाली आहे. त्यांनी एकत्रितपणे ‘कयामत से कयामत तक’, ‘जो जीता वही सिकंदर’, ‘अकेले हम अकेले तुम’ आणि ‘जाने तू… या जाने ना’ असे अनेक लक्षात राहणारे चित्रपट दिले आहेत. ‘एक दिन’च्या माध्यमातून ही जोडी पुन्हा प्रेमकथांच्या प्रकारात परतत आहे, त्यामुळे चाहत्यांमध्ये नवी उत्सुकता निर्माण झाली आहे. त्यांचे पुनरागमन प्रेक्षकांची उत्सुकता आणखी वाढवत आहे.

आमिर खान प्रॉडक्शन्सच्या बॅनरखाली तयार झालेल्या ‘एक दिन’मध्ये साई पल्लवी आणि जुनैद खान प्रमुख भूमिकेत आहेत. चित्रपटाचे दिग्दर्शन सुनील पांडे यांनी केले असून निर्माते आमिर खान, मन्सूर खान आणि अपर्णा पुरोहित आहेत. हा चित्रपट 1 मे 2026 रोजी चित्रपटगृहांमध्ये प्रदर्शित होणार आहे.

संबंधित बातम्या