ऑस्कर 2027 प्रवेशानंतर आता होम्बळे फिल्म्सच्या माध्यमातून मराठी चित्रपट ‘गोंधळ’ जगभरात प्रदर्शित होणार

होम्बळे फिल्म्स आता मराठी चित्रपट ‘गोंधळ’ आंतरराष्ट्रीय चित्रपटगृहांमध्ये प्रदर्शित करून त्याला जागतिक स्तरावर पोहोचवणार आहे.

The Marathi film ‘Gondhal’ will be released worldwide : देशभरातून भरभरून कौतुक मिळवल्यानंतर आणि 99व्या अकादमी पुरस्कारांसाठी भारताची अधिकृत प्रवेशिका म्हणून निवड झाल्यानंतर, होम्बळे फिल्म्स आता मराठी चित्रपट ‘गोंधळ’ आंतरराष्ट्रीय चित्रपटगृहांमध्ये प्रदर्शित करून त्याला जागतिक स्तरावर पोहोचवणार आहे. संतोष दावखर यांनी लेखन आणि दिग्दर्शन केलेला ‘गोंधळ’ हा एक अत्यंत प्रभावी मराठी लोककथांवर आधारित थ्रिलर चित्रपट आहे. या चित्रपटात किशोर कदम, इशिता देशमुख, योगेश सोहोनी आणि निषाद भोईर यांसारखे प्रतिभावान कलाकार महत्त्वपूर्ण भूमिकांमध्ये आहेत.

तर, ज्येष्ठ संगीतकार इलैयाराजा यांच्या संगीताने चित्रपटाच्या कथेला अधिक प्रभावी बनवले आहे. ग्रामीण महाराष्ट्रात रात्रीच्या वेळी पार पडणाऱ्या पारंपरिक विधींची पार्श्वभूमी या चित्रपटात पाहायला मिळते. श्रद्धा, मानवी महत्त्वाकांक्षा, सत्ता आणि विश्वासघात यांचा अनोखा संगम असलेली ही कथा प्रेक्षकांना शेवटपर्यंत खिळवून ठेवते. प्रदर्शित झाल्यापासून ‘गोंधळ’ या चित्रपटाला प्रेक्षकांसह समीक्षकांकडूनही भरभरून दाद मिळत आहे. या चित्रपटाने आतापर्यंत अनेक पुरस्कार आपल्या नावावर केले असून, त्यामध्ये 56व्या भारतीय आंतरराष्ट्रीय चित्रपट महोत्सवात (IFFI) मिळालेल्या सर्वोत्कृष्ट दिग्दर्शकाच्या पुरस्काराचाही समावेश आहे.

प्रभावी कथानक, अस्सल सांस्कृतिक पार्श्वभूमी आणि उल्लेखनीय दृश्यात्मक मांडणी यांमुळे या चित्रपटाने चित्रपटप्रेमींच्या मनात वेगळे स्थान निर्माण केले आहे. आता आणखी एक महत्त्वाचा टप्पा गाठत ‘गोंधळ’ने 99व्या अकादमी पुरस्कारांमध्ये अर्थात ऑस्कर 2027 मध्ये ‘सर्वोत्कृष्ट आंतरराष्ट्रीय फीचर फिल्म’ या श्रेणीसाठी भारताची अधिकृत प्रवेशिका म्हणून स्थान मिळवले आहे.

सोमेश्वर कारखान्याच्या निवडणुकीत नवा ट्विस्ट! जगतापांना भाजपचा पाठिंबा, राष्ट्रवादीकडून निलंबनाची कारवाई

भारतीय चित्रपटसृष्टीचा गौरव आंतरराष्ट्रीय स्तरावर पोहोचवण्याच्या दिशेने आणखी एक महत्त्वाचे पाऊल टाकत, देशातील आघाडीच्या पॅन-इंडिया निर्मिती संस्थांपैकी एक असलेल्या ‘होम्बळे फिल्म्स’ने आता या चित्रपटाच्या परदेशातील चित्रपटगृहांमधील वितरणाची अधिकृत जबाबदारी स्वीकारली आहे. या माध्यमातून ‘गोंधळ’ जगभरातील प्रेक्षकांपर्यंत पोहोचणार आहे.

होम्बळे फिल्म्सने सोशल मीडियावर एक आकर्षक पोस्टर शेअर करत या चित्रपटाच्या आंतरराष्ट्रीय वितरणाची घोषणा केली. पोस्टमध्ये त्यांनी लिहिले:

“पुरस्कारप्राप्त मराठी चित्रपटापासून ते ऑस्कर 2027 साठी भारताची अधिकृत प्रवेशिका ठरण्यापर्यंतचा प्रवास — #Gondhal.

ही दमदार कथा जगभरातील प्रेक्षकांसमोर आणताना आम्हाला अत्यंत अभिमान वाटत आहे.

होम्बळे फिल्म्सतर्फे चित्रपटाचे परदेशात वितरण केले जाणार आहे.

लवकरच चित्रपटगृहांमध्ये!”

प्रहार-द अनटोल्ड स्टोरी ऑफ उज्ज्वल निकम’ चित्रपटातील रोमँटिक गाणं प्रदर्शित, राजकुमार राव आणि वामिका गब्बी यांची खास झलक

होम्बळे फिल्म्स ही भारतातील आघाडीच्या निर्मिती संस्थांपैकी एक असून, ‘केजीएफ’ फ्रँचायझी, ‘कांतारा’, ‘सालार’ फ्रँचायझी आणि ‘महावतार नरसिंह’ यांसारख्या भव्य आणि यशस्वी पॅन-इंडिया चित्रपटांची निर्मिती व सादरीकरण या संस्थेने केले आहे. आपल्या भव्य चित्रपटांमधून या संस्थेने भारतीय चित्रपटसृष्टीसाठी जागतिक स्तरावर नवे मापदंड प्रस्थापित केले आहेत. याशिवाय, ‘हनुमान अंश’ या चित्रपटाच्या जागतिक वितरणाची जबाबदारीही ही संस्था सांभाळत आहे.

आगामी चित्रपटांच्या दमदार यादीतही होम्बळे फिल्म्सने अनेक महत्त्वाकांक्षी प्रकल्पांचा समावेश केला आहे. यामध्ये ‘सालार: भाग २ – शौर्यांग पर्व’, ‘महावतार परशुराम’, ‘सूर्या 48’, ‘येतो का नाय’ आणि हृतिक रोशनसोबतचा आगामी सहयोग अशा प्रकल्पांचा समावेश आहे.

संबंधित बातम्या