मोठ्या पडद्यावरील उत्सुकतेला सुरुवात! ‘धमाल 4’सोबत जोडला जाणार ‘तेरा यार हूँ मैं’चा ट्रेलर

चित्रपटाचा हृदयस्पर्शी ट्रेलर आता 'धमाल 4' या मोठ्या मनोरंजनपटांपैकी एक असलेल्या चित्रपटासोबत मोठ्या पडद्यावर प्रदर्शित केला जाणार आहे.

Trailer of ‘Tera Yaar Hoon Main’ to be attached to ‘Dhamaal 4’ : मिलाप मिलन झवेरी दिग्दर्शित बहुप्रतीक्षित कौटुंबिक मनोरंजनपट ‘तेरा यार हूँ मैं’ याबाबतची उत्सुकता आता आणखी वाढणार आहे. या चित्रपटाचा हृदयस्पर्शी ट्रेलर आता ‘धमाल 4’ या वर्षातील सर्वात मोठ्या मनोरंजनपटांपैकी एक असलेल्या चित्रपटासोबत मोठ्या पडद्यावर प्रदर्शित केला जाणार आहे. त्यामुळे चित्रपटगृहात येणाऱ्या प्रेक्षकांसाठी हा एक खास अनुभव ठरणार आहे. ‘तेरा यार हूँ मैं’चा ट्रेलर प्रदर्शित झाल्यापासून प्रेक्षकांकडून त्याला उत्स्फूर्त प्रतिसाद मिळत आहे. प्रेम, मैत्री, कुटुंब, भावना आणि खळखळून मनोरंजन यांची सुंदर सांगड घालणाऱ्या या कथानकाची झलक ट्रेलरमधून पाहायला मिळते.

अमन इंद्रकुमार आणि आकांक्षा शर्मा यांच्या मोठ्या पडद्यावरील पदार्पणामुळे या चित्रपटाबद्दल आधीच मोठी चर्चा रंगली आहे. चित्रपटातील मधुर गाणी आणि आकर्षक पोस्टर्समुळे प्रेक्षकांची उत्सुकता शिगेला पोहोचली आहे. रोमँस, विनोद, नाट्य आणि भावनिक प्रसंगांनी भरलेला हा रंगतदार ट्रेलर नातेसंबंधांचा उत्सव साजरा करत प्रेक्षकांना भरभरून मनोरंजन देण्याचे आश्वासन देतो. या चित्रपटात परेश रावल, जॉनी लिव्हर, सुप्रिया पिळगांवकर, मृणाल कुलकर्णी, नेहा खान, पूजा कातुर्डे, आनंद आचार्य आणि दर्शन जरीवाला यांसारख्या दिग्गज कलाकारांचीही महत्त्वपूर्ण भूमिका आहे. त्यांच्या प्रभावी अभिनयामुळे हा चित्रपट आणखी खास ठरणार आहे.

दूध भेसळीचा मुद्दा जयंत पाटलांनी सभागृहात मांडला, थेट मुख्यमंत्र्यांकडे केली चौकशीची मागणी

अजय मुर्डिया प्रस्तुत आणि मुंबई फिल्म्स, बीआयके प्रॉडक्शन्स तसेच एंटर10 टेलिव्हिजन यांच्या सहयोगाने साकारलेल्या या चित्रपटाची निर्मिती अजय मुर्डिया, बीना इंद्रकुमार आणि मनीष सिंघल यांनी केली आहे. सुभाष काळे हे सहनिर्माते आहेत. कॅमेरा टेक फिल्म्स निर्मित ‘तेरा यार हूँ मैं’ हा चित्रपट 24 जुलै 2026 रोजी चित्रपटगृहांत प्रदर्शित होणार आहे.

संबंधित बातम्या