सीबीएससी बोर्डात सृष्टीचे उल्लेखनीय यश; नगरसेवक सनी निम्हण यांच्याकडून सन्मान

CBSE Board- सृष्टी मित्तल हिने CBSE बोर्डाच्या इयत्ता दहावीच्या परीक्षेत 96.6 टक्के गुण मिळवत उल्लेखनीय कामगिरी केलीय.

पुणे: खडकी परिसरातील सुकन्या सृष्टी मित्तल हिने आपल्या जिद्द, चिकाटी आणि सातत्यपूर्ण मेहनतीच्या जोरावर CBSE Board बोर्डाच्या इयत्ता दहावीच्या परीक्षेत 96.6 टक्के गुण मिळवत उल्लेखनीय यश संपादन केले आहे. औंध-बोपोडी प्रभागातील खडकी येथील रहिवासी असलेल्या सृष्टीने आपल्या परिश्रमातून विद्यार्थ्यांसमोर एक प्रेरणादायी आदर्श निर्माण केला आहे. त्याबद्दल नगरसेवक सनी निम्हण यांनी तिचा सन्मान केला.

सृष्टीच्या या यशाबद्दल सनी निम्हण यांच्या झुंज निवासस्थानी तिची भेट घेऊन मनःपूर्वक अभिनंदन करण्यात आले. यावेळी बोलताना सनी निम्हण यांनी सांगितले की, केवळ बुद्धिमत्ता असून चालत नाही, तर त्यासोबत कठोर परिश्रम आणि यशाची प्रबळ इच्छा असणे आवश्यक असते. सृष्टीने हे आपल्या यशातून सिद्ध करून दाखवले आहे.

तिचे हे यश इतर विद्यार्थ्यांसाठी नक्कीच प्रेरणादायी ठरेल, असा विश्वास व्यक्त करत सृष्टी मित्तल हिच्या पुढील शैक्षणिक वाटचालीसाठी त्यांनी शुभेच्छा दिल्या.नगरसेवक सनी निम्हण हे नेहमीच चांगली कामगिरी करणाऱ्या व्यक्तींचा सन्मान करून पाठीवर कौतुकाची थाप टाकत असतात. तसेच विद्यार्थ्यांमध्ये कलागुम अवकत करण्यासाठी ते नेहमीच वेगवेगळ्या उपक्रम राबवितात. मध्यंतरी त्यांनी क्रीडा महोत्सवाची आयोजन केले होते. त्या महोत्सवाला भरघोस प्रतिसाद मिळाला होता.

संबंधित बातम्या