मराठा नौदलाचे अजिंक्य सरखेल कान्होजीराजे आंग्रे यांची अनकथित गाथा मोठ्या पडद्यावर

Sarkhel Kanhojiraje Angre :  भारतातील अग्रगण्य चित्रपट निर्मिती संस्था अबंडंटिया एंटरटेनमेंट यांनी आज त्यांच्या सर्वात भव्य आणि महत्त्वाकांक्षी

Sarkhel Kanhojiraje Angre :  भारतातील अग्रगण्य चित्रपट निर्मिती संस्था अबंडंटिया एंटरटेनमेंट यांनी आज त्यांच्या सर्वात भव्य आणि महत्त्वाकांक्षी प्रकल्पाची घोषणा केली आहे. ‘आंग्रे’, हा एक थिएटरसाठी तयार होणारा चित्रपट असून तो मराठा नौदलाचे सरखेल कान्होजीराजे आंग्रे यांच्या जीवनावर आधारित आहे. चार दशकांहून अधिक काळ त्यांनी भारताच्या पश्चिम किनारपट्टीचे ब्रिटिश आणि पोर्तुगीज आक्रमकांच्या संयुक्त शक्तीपासून संरक्षण केले. या चित्रपटाचे दिग्दर्शन राष्ट्रीय पुरस्कार विजेते दिग्दर्शक राजेश मापुसकर करणार असून,  चिरंजीवी हनुमान – द इटर्नल नंतर अबंडंटिया सोबतचा हा त्यांचा दुसरा प्रकल्प आहे.  अबंडंटिया एंटरटेनमेंट  हा चित्रपट राजेश मापुसकर यांच्या मॅजिक पिक्चर्स सोबत मिळून निर्माण करत आहे. आजची घोषणा भारतीय चित्रपटसृष्टीतील सर्वात भव्य ऐतिहासिक प्रकल्पांपैकी एकाच्या प्रारंभाची नांदी आहे.

सरखेल कान्होजीराजे आंग्रे हे भारतीय इतिहासातील सर्वात पराक्रमी नौदल सेनापतींपैकी एक मानले जातात. छत्रपती शिवाजी महाराजांनी सुरू केलेल्या सागरी स्वराज्याच्या दृष्टीला त्यांनी पुढे नेले. ‘कोळबा’ येथून त्यांनी आपल्या युद्धनौकांच्या ताफ्याचे नेतृत्व केले, कोकण किनारपट्टीचे रक्षण केले, युरोपियन नौदलांना समुद्रात पराभूत केले आणि हिंद महासागरातील मराठा साम्राज्याची सत्ता प्रस्थापित केली ही परंपरा आजही भारतीय नौदल सन्मानाने जपते. ते आयुष्यभर अजिंक्य राहिले आणि छत्रपती शिवाजी महाराजांच्या वारशाचे कट्टर अनुयायी होते.

अबंडंटिया एंटरटेनमेंटचे संस्थापक आणि सीईओ विक्रम मल्होत्रा म्हणाले “आजचा दिवस अबंडंटियासाठी अत्यंत अभिमानाचा आणि उत्साहवर्धक आहे. सरखेल कान्होजीराजे आंग्रे यांची कथा जगाने पाहिलीच पाहिजे, विशेषतः आजच्या तरुण पिढीने, ज्यांना त्यांच्या महान योगदानाची पुरेशी जाणीव नाही. राजेश मापुसकर यांच्यासारख्या प्रतिभावान दिग्दर्शकाशी पुन्हा एकदा काम करण्याची संधी मिळणे आमच्यासाठी खास आहे. त्यांच्या कथनशैलीची ताकद, भव्य कथानक सादर करण्याची क्षमता आणि मराठा इतिहास व संस्कृतीबद्दलची सखोल जाण या सगळ्यामुळे ते या भव्य कथेसाठी सर्वोत्तम दिग्दर्शक आहेत. आज आम्ही या प्रवासाची पहिली पायरी टाकत आहोत.”

दिग्दर्शक राजेश मापुसकर म्हणाले: “माझा जन्म आणि संगोपन कोकण किनाऱ्यावर झाला आहे. जिथे सरखेल कान्होजीराजे आंग्रे यांचे राज्य होते. ही माझ्या मातीतली गाथा आहे. त्यांची कथा मी अनेक वर्षांपासून सांगण्याची इच्छा बाळगली होती. ही कथा प्रत्येक भारतीयाने मोठ्या पडद्यावर अनुभवावी अशी आहे. विक्रम आणि अबंडंटिया एंटरटेनमेंट  सोबत पुन्हा एकदा काम करणे माझ्यासाठी आनंदाची गोष्ट आहे. अबंडंटियाचा धाडसी आणि तडजोड न करणाऱ्या कथाकथनावर असलेला विश्वास या चित्रपटासाठी अत्यंत महत्त्वाचा आहे. यासाठी याहून योग्य व्यासपीठ मला मिळू शकले नसते. आज आपण या चित्रपटाच्या लेखन प्रक्रियेला सुरुवात करत आहोत आणि या रोमांचक प्रवासाची मी आतुरतेने वाट पाहत आहे.”

गणेश कारखान्याची निवडणूक लढविणार नाही…कोणाशी वैयक्तिक वाद…

2026 वर्षाची सुरुवात ‘दलदल’, ‘सुभेदार’ आणि ‘मा बहेन’ या समीक्षकांनी गौरवलेल्या आणि व्यावसायिकदृष्ट्या यशस्वी चित्रपटांनी केल्यानंतर, अबंडंटिया एंटरटेनमेंटच्या आगामी प्रकल्पांमध्ये ‘चिरंजीवी हनुमान द इटर्नल’ (स्टार स्टुडिओज आणि कलेक्टिव्हच्या हिस्टरीव्हर्ससोबत), नेटफ्लिक्सची मूळ मालिका ‘फॅमिली बिझनेस’ आणि प्राइम व्हिडिओची मूळ मालिका ‘सुंदर पूनम’ यांचा समावेश आहे. विविध शैली, प्रमाण आणि स्वरूपातील वैशिष्ट्यपूर्ण कथांना पाठबळ देण्याच्या संस्थेच्या वचनबद्धतेचे हे प्रतीक आहे.

संबंधित बातम्या