Murli Sharma : ‘सुपर सुब्बू’ द्वारे मुरली शर्मा करणार ओटीटी विश्वात पदार्पण

Murli Sharma : हिंदी, तेलुगू, तमिळ, मल्याळम, कन्नड आणि मराठी चित्रपटसृष्टीतील तीन दशकांहून अधिक काळाच्या यशस्वी कारकीर्दीनंतर, अभिनेते

Murli Sharma : हिंदी, तेलुगू, तमिळ, मल्याळम, कन्नड आणि मराठी चित्रपटसृष्टीतील तीन दशकांहून अधिक काळाच्या यशस्वी कारकीर्दीनंतर, अभिनेते मुरली शर्मा ‘सुपर सुब्बू’द्वारे ओटीटी विश्वात पदार्पण करण्यास सज्ज झाले आहेत. विशेष म्हणजे, ही मालिका केवळ मुरली शर्मा यांचे ओटीटी क्षेत्रातील पदार्पणच नाही, तर या स्ट्रीमिंग प्लॅटफॉर्मची पहिली तेलुगू ओरिजिनल मालिका देखील आहे. ‘सुपर सुब्बू’ मध्ये मुरली शर्मा यांनी ‘कुक्कुटेश्वर राव’ ही भूमिका साकारली आहे. ते एक कडक शिस्तीचे आणि अत्यंत पारंपरिक विचारांचे वडील आहेत मात्र, जेव्हा त्यांचा मुलगा ‘लैंगिक शिक्षण शिक्षक’ (sex education teacher) बनण्याचा निर्णय घेतो, तेव्हा त्यांच्या या समजुतींना आणि विचारांना आव्हान दिले जाते.

‘माकीपूर’ या चैतन्यमय गावात घडणारी ही मालिका विनोद, कौटुंबिक नातेसंबंध आणि मनाला भिडणाऱ्या भावनांचे मिश्रण आहे, तसेच ती अशा विषयांवरील संवादांना समोर आणते ज्यांवर सहसा चर्चा करणे टाळले जाते. आपल्या ओटीटी (OTT) पदार्पणाबद्दल आणि प्रेक्षक या शोकडून काय अपेक्षा करू शकतात, याबद्दल बोलताना मुरली शर्मा म्हणाले, “ही अशी कथा आहे जी तुम्हाला हसवेलच, पण त्याच वेळी अशा विषयांवर चर्चा करण्यास हळुवारपणे प्रवृत्त करेल ज्यावर बोलायला सहसा आपण कचरतो. मला सर्वात जास्त काय आवडले तर, ही मालिका विनोदी प्रसंग, कौटुंबिक नातेसंबंध आणि सामाजिक विषय यांचा अतिशय सहजपणे मेळ घालते आणि तरीही तिचा मूळ गाभा किंवा भावपूर्णता जपते.

‘माकीपूर‘ मधील प्रत्येक पात्र आपापल्या परीने या धमाल-मस्तीत भर घालते. त्यामुळे हे एक असे जग तयार होते ज्याशी प्रेक्षक त्वरित एकरूप होऊ शकतील. इतक्या प्रतिभावान कलाकारांसोबत काम करणे आणि नेटफ्लिक्सच्या पहिल्या तेलगू ओरिजिनल मालिकेचा भाग असणे हा एक अद्भुत अनुभव होता. प्रेक्षक ‘माकीपूर’च्या जगात प्रवेश करतील आणि तिथे त्यांची वाट पाहणारे सरप्राइजेस, विनोद आणि भावपूर्ण क्षण यांचा आनंद घेतील, याची मी आतुरतेने वाट पाहत आहे. आणि हो, हे माझे पहिलेच ओटीटी काम असल्याने मी खूप उत्साहित आहे. ‘कुक्कुटेश्वर राव’ जे एक कठोर, शिस्तप्रिय आणि कडक वडील आहेत ही भूमिका साकारताना मला खूप मजा आली. मी संदीपसोबत (अभिनेता संदीप किशन) यापूर्वी पाच चित्रपट केले आहेत, त्यामुळे आमचे खूप चांगले ट्युनिंग जमले आहे. तसेच दिग्दर्शक मल्लिक यांच्यासोबतही मी याआधी एका चित्रपटात काम केले होते, जो ब्लॉकबस्टर ठरला होता, त्यामुळे त्यांच्यासोबत काम करणेही खूप छान होते. आणि अर्थातच, मिथिला पालकरही होती, जिच्यासोबत मी दोन-तीन वर्षांपूर्वी एका तेलगू चित्रपटात काम केले होते. त्यामुळे एकंदरीत, हा अनुभव खूपच आनंददायी होता.”

या प्रकल्पाशी आपण कसे जोडले गेलो आणि त्यातील पात्राने आपल्याला कशा प्रकारे आकर्षित केले, याबद्दल अधिक बोलताना ते म्हणाले, “जेव्हा मी मल्लिकसोबत ‘तिल्लू स्क्वेअर’चे (Tillu Square) शूटिंग करत होतो, तेव्हाच त्याने मला तो लिहीत असलेल्या या मालिकेबद्दल आणि त्यातील भूमिकेबद्दल सांगितले होते. त्या चित्रपटादरम्यान आमची चांगली मैत्री झाली होती, त्यामुळे मी या मालिकेचा भाग असणार आहे हे मला आधीच माहित होते. पण जेव्हा त्याने मला अधिकृतपणे पटकथा (script) ऐकवली, तेव्हा मला खूप आनंद झाला.

‘कुक्कुटेश्वर राव’ हे एक उत्कृष्ट पात्र आहे आणि ही भूमिका साकारण्यासाठी मल्लिकने माझी निवड केली याचा मला खूप आनंद आहे. तो ज्या वस्तीत राहतो तिथे त्याला प्रेमाने ‘कुक्कू’ (Kuku) म्हणून ओळखले जाते. कुक्कू हा अत्यंत त्रासदायक आणि चिडचिड निर्माण करणारा स्वभाव असलेला माणूस आहे, पण याच गोष्टीमुळे तो खूप मजेशीर वाटतो. त्याचे चालणे, उभे राहणे आणि बोलण्याची पद्धत आम्ही या पात्राला अशा प्रकारे जिवंत केले आहे की, मला वाटते प्रेक्षकांना ते पाहताना नक्कीच मजा येईल.

आमच्या खासदारांवर शिव्यांची लाखोली वाहून आल्यानंतर मुंबईत अहिरांकडून वेलकम; शिंदेंचा ठाकरेंना टोला

तो अशा प्रकारचा माणूस आहे जो कदाचित तुमच्या अंगावर येईल किंवा तुम्हाला चिडवेल, तरीही तुम्हाला त्याला पुन्हा पुन्हा पाहावेसे वाटेल.” ‘सुपर सुब्बू’ (Super Subbu) च्या माध्यमातून प्रेक्षकांना मुरली शर्मा यांचे एक अगदी नवीन रूप पाहायला मिळणार आहे; ओटीटी (OTT) विश्वात पदार्पण करताना ते आणखी एक अविस्मरणीय आणि बारकाव्यांनी नटलेले पात्र साकारत आहेत.

संबंधित बातम्या