‘मातृभूमी’च्या ट्रेलरची खास झलक मुंबईतील माध्यमांसमोर सादर, सलमान खान यांच्या दमदार लूकला मिळाली दाद

चित्रपटाबद्दलची उत्सुकता दिवसेंदिवस वाढत असताना, बहुप्रतीक्षित ट्रेलर पाहण्यासाठीही प्रेक्षकांची उत्सुकता शिगेला पोहोचली आहे.

Salman Khan’s striking look receives praise : सलमान खान स्टारर ‘मातृभूमी: मे वॉर रेस्ट इन पीस’ या चित्रपटाचा पहिला टीझर आणि पोस्टर प्रदर्शित झाल्यापासूनच प्रेक्षकांमध्ये या चित्रपटाबद्दलची उत्सुकता अधिकच वाढली आहे. चित्रपटाच्या सुरुवातीच्या झलकांनी प्रेक्षकांना त्याच्या अनोख्या विश्वाची ओळख करून दिली. तेव्हापासूनच प्रेक्षक चित्रपटाशी संबंधित आणखी गोष्टी पाहण्यासाठी उत्सुक आहेत. चित्रपटाबद्दलची उत्सुकता दिवसेंदिवस वाढत असताना, बहुप्रतीक्षित ट्रेलर पाहण्यासाठीही प्रेक्षकांची उत्सुकता शिगेला पोहोचली आहे.

सलमान खान यांचा ‘मातृभूमी: मे वॉर रेस्ट इन पीस’ हा चित्रपट देशभक्ती, त्याग आणि युद्धामध्ये माणसांना मोजावी लागणारी किंमत अशा महत्त्वपूर्ण विषयांवर भाष्य करणारा आहे. आज मुंबईत आयोजित करण्यात आलेल्या एका खास मीडिया इव्हेंटमध्ये सलमान खान यांनी निवडक माध्यम प्रतिनिधींना ‘मातृभूमी: मे वॉर रेस्ट इन पीस’ या चित्रपटाच्या ट्रेलरचे विशेष प्रिव्ह्यू दाखवले. विशेष म्हणजे, ट्रेलरच्या अधिकृत प्रदर्शनापूर्वी त्याची ही पहिली झलक माध्यमांसमोर सादर करण्यात आली.

ओंकार भोजने विरुद्ध मिलिंद कवडे वाद पेटला! दिग्दर्शकाचे कायदेशीर प्रत्युत्तर, 4 कोटींच्या नुकसानभरपाईचा उल्लेख

दिवाळीच्या सुट्ट्या सुरू होण्याच्या अगदी आधी या खास मीडिया स्क्रीनिंगचे आयोजन करण्यात आले होते. दरम्यान, चित्रपटाचा बहुप्रतीक्षित ट्रेलर लवकरच प्रदर्शित होणार असून, त्याची प्रेक्षक आतुरतेने वाट पाहत आहेत. त्यामुळे हा खुलासा निश्चितच खास ठरणार आहे.

या विशेष कार्यक्रमाला जवळपास 250 माध्यम प्रतिनिधी उपस्थित होते. ट्रेलरची झलक पाहिल्यानंतर सर्वांनीच जबरदस्त प्रतिसाद दिला. लष्करी गणवेशातील सलमान खान यांचा दमदार अंदाज सर्वांच्या पसंतीस उतरला. तसेच, अनेक पत्रकारांनी सलमान खान आणि चित्रांगदा सिंह यांच्या ऑनस्क्रीन केमिस्ट्रीचेही भरभरून कौतुक केले. याशिवाय, ट्रेलरमधील पार्श्वसंगीत आणि गाण्यांच्या छोट्या झलकांनाही विशेष दाद मिळाली. त्यांच्या सुरेल चाली आणि प्रभावी सादरीकरणाने उपस्थितांचे लक्ष वेधून घेतले.

अपूर्व लाखिया यांच्या दिग्दर्शनाखाली तयार झालेल्या या चित्रपटाची निर्मिती सलमान खान फिल्म्सच्या बॅनरखाली करण्यात आली आहे. या चित्रपटात सलमान खान यांच्यासोबत चित्रांगदा सिंहदेखील महत्त्वपूर्ण भूमिकेत दिसणार आहेत.

संबंधित बातम्या