समित कक्कड यांचा नवा चित्रपट ‘रानटी’, ‘या’ दिवशी प्रेक्षकांच्या भेटीला येणार

Samit Kakkad : मराठी-हिंदी सिनेसृष्टीतील लोकप्रिय दिग्दर्शक समित कक्कड (Samit Kakkad) पुन्हा एकदा नवीन धमाका करण्याच्या तयारीत आहे.  समित कक्कड लवकरच  ‘रानटी’ (Ranati) हा मराठीतला मोठा अ‍ॅक्शनपट घेऊन येत आहे. नुकतंच या चित्रपटाचा रिलीज करण्यात आला आहे. बॉलीवूडचे सुप्रसिद्ध नायक जॅकी श्रॉफ (Jackie Shroff) आणि संजय दत्त (Sanjay Dutt) यांनी या चित्रपटाच्या दमदार टिझरची झलक सोशल मीडियामध्ये शेअर केली आहे.

सध्या या टिझरला सोशल मीडियावर जबरदस्त प्रतिसाद मिळत आहे. पुनीत बालन स्टुडिओ (Puneet Balan Studio) निर्मित आणि समित कक्कड दिग्दर्शित ‘रानटी’  हा अ‍ॅक्शनपट 22 नोव्हेंबरला प्रेक्षकांच्या भेटीला येणार आहे. कोणत्याही कथाविषयाचं अत्यंत बारकाईनं संशोधन करून मगच आपल्याला उमगलेलं चित्र पडद्यावर  प्रभावीपणे  सादर करायचं हे समित यांच्या यशाचं गमक असल्याचं त्याच्या आजवरच्या प्रवासावर नजर टाकल्यावर अगदी सहजपणे लक्षात येतं.

दिग्दर्शक समित कक्कड यांच्या कलाकृतीमध्ये कायम नाविन्यपूर्ण विषय पाहायला मिळतात, धारावी बँक, इंदोरी इश्क, हाफ तिकीट, आयना का बायना, आश्चर्यचकीत, 36 गुण अशा भन्नाट कथानकांची स्टाईल हाताळणाऱ्या आणि सादर करण्याची क्षमता असणाऱ्या दिग्दर्शक समित कक्कड यांनी आपली गुणवत्ता जपण्याचा कायम प्रयत्न केला आहे. या चित्रपटामध्ये आजवर न पाहिलेली पॉवरफुल्ल अ‍ॅक्शन सीन पाहायला मिळणार आहे.

बापूसाहेब पठारेंचा विजयाचा महानिर्धार, प्रचाराला सुरुवात; नागरिकांचा मोठा सहभाग

आज अ‍ॅक्शन चित्रपटासाठी मराठी प्रेक्षक हिंदी चित्रपटाकडे वळत आहे. म्हणूनच एक नवीन प्रयोग आणि मराठी चित्रपटांच्या आशयाला अॅक्शनचा तडका देण्यासाठी मी ‘रानटी’ हा अॅक्शनपॅक्ड चित्रपट मराठीत घेऊन आल्याचं समित  सांगतात. यात अॅक्शन, रोमान्स,  इमोशन, ड्रामा आहे.‘हा चित्रपट म्हणजे मनोरंजनाचं एक पॉवरफुल पॅकेज आहे, त्यामुळे मला खात्री आहे की, प्रेक्षकांना देखील हा चित्रपट आवडेल.’ असा विश्वास समित कक्कड यांनी व्यक्त केला.

संबंधित बातम्या