‘द अथर्व सुदामे शो’ला चित्रपट प्रोमोशनसाठी पहिली पसंती, मराठीसह हिंदीमधील कलाकारही शोमध्ये

The Atharva Sudame Show : लाडका रीलस्टार अथर्व सुदामेच्या (Atharv Sudame) ‘द अथर्व सुदामे शो’ (The Atharva Sudame Show) ला प्रेक्षकांकडून जबरदस्त प्रतिसाद मिळतोय. तर त्याचबरोबर चित्रपट प्रोमोशनसाठी या शोला जोरदार प्रतिसाद मिळू लागलाय. या शोच्या दोन एपिसोडला जोरदार प्रतिसाद मिळाल्यानंतर आता हिंदी चित्रपटातील कलाकारही शोमध्ये येऊ लागले आहेत. हा शो प्रसिद्ध उद्योजक नरेंद्र शांतीकुमार फिरोदिया व अनुष्का मोशन पिक्चर्स व एंटरटेनमेंट प्रोड्युस केलेला आहे. तर शोचा मुख्य प्रस्तुतकर्ता लेट्सअप आहे.

Sant Dnyaneshwaranchi Muktai : प्रतीक्षा संपली…, ‘संत ज्ञानेश्वरांची मुक्ताई’ 18 एप्रिलला भेटीला

‘द अथर्व सुदामे शो’च्या पहिल्या एपिसोडमध्ये ‘संगीत मानापमान’ चित्रपटाने हजेरी लावली होती. या शोला प्रेक्षकांकडून जोरदार प्रतिसाद मिळालाय. तर दुसऱ्या एपिसोडमध्ये ‘फसक्लास दाभाडे’ सिनेमाच्या स्टारकास्टने हजेरी लावलीय. चित्रपटाचे लेखक व दिग्दर्शक हेमंत ढोमे, क्षिती जोग, सिद्धार्थ चांदेकर, अमेय वाघ हे शोमध्ये सहभागी झाले. अथर्व सुदामे आणि कलाकारंमध्ये झालेल्या भन्नाट विनोदी चर्चेने प्रेक्षकांना खळखळून हसविलंय.

साठाव्या राज्य मराठी चित्रपट पुरस्काराच्या प्राथमिक फेरीची नामांकने घोषित, पहा संपूर्ण यादी

तिसऱ्या एपिसोडमध्ये ‘डबल धमाका’
तिसऱ्या एपिसोडमध्ये डबल धमाका असणार आहे. तिसऱ्या एपिसोडमध्ये हिंदी सिनेमा ‘संघी’ची टीम व इलू इलू 1998 सिनेमाची टीम दिसणार आहे. हा एपिसोड उद्या बुधवारी (29 जानेवारीला) प्रसिद्ध होत आहे. यात शारिब हश्मी, गौरव मोरे, एली अवराम, आरोह वेलणकर यांनी हजेरी लावलीय. चौथ्या एपिसोडमध्ये प्रसिद्ध मराठी अभिनेत्री सई ताम्हणकर व आदित्य सरपोतदार हे दिसणार आहेत, अशी माहिती अनुष्का मोशन पिक्चर्स व एंटरटेनमेंटचे बिझनेस हेड संकेत पावसे यांनी दिलीय.

या शोमध्ये जेष्ठ अभिनेते विजय पटवर्धन, अथर्व सुदामे, रुचा जोशी, पवन वाघूळकर, आर्यक पाठक, समीर कोतकर, पुष्कराज चिरपुटकर आणि अक्षय जोशी हे मुख्य कलाकार आहेत. तर नचीकेत पेंडसे शोचे दिग्दर्शक आहेत. या शोचे लाईन प्रोडक्शन डिजी रॉईस्टर प्रोडक्शनने केले आहे. तर डिजी रॉईस्टरचे शिवतेज होडगे प्रोजेक्ट हेड आहेत.

संबंधित बातम्या