मोठी बातमी! पुण्यात दोन्ही राष्ट्रवादी एकत्र लढणार, अजित पवारांची पिंपरी चिंचवडमध्ये थेट घोषणा

पुणे महानगरपालिकेच्या निवडणुकीसाठी दोन्ही राष्ट्रवादी एकत्र येणार असल्याची चर्चा होती. त्यावर आज अजित पवार यांनी सभेत बोलताना भाष्य केलं.

सध्या राज्यात महानगर पालिकांच्या निवडणुकीची रणधुमाळी सुरू आहे. (Pune) अशातच आता राज्याच्या राजकारणातून मोठी बातमी समोर आली आहे. पिंपरी- चिंचवडमध्ये महापालिका निवडणूक दोन्ही राष्ट्रवादी एकत्र लढणार असल्याची घोषणा अजित पवार यांनी केली आहे. आज प्रचाराचा नारळ फोडताना अजित पवारांनी दोन्ही राष्ट्रवादी एकत्र लढणार असल्याची माहिती दिली आहे. दरम्यान, आज पुण्यातील मविआच्या बैठकीला शरद पवार यांचा पक्ष गैरहजर असल्याने उद्या अधिकृत घोषणा होणार असल्याचीही सुत्रांची माहिती आहे.

अजित पवार म्हणाले की, ही निवडणूक फार उशिरा आली. कार्यकर्ता जपला पाहिजे, त्याला मान दिला पाहिजे कारण आम्ही शिव- शाहू- फुले आंबेडकरांच्या विचारांनी काम करतो. मी खासदार झालो तेव्हा पी व्ही नरसिंगराव मंत्री होते. शेतकरी कुटुंबातील मी कार्यकर्ता. शरद पवार तेव्हा चांगलं काम करत होते. मला खासदार केल्यावर हा शहरात विकास झाला पाहिजे अस वाटायचं. अनेक ठिकाणाहून लोक इथे नोकरीला यायचे.आता सुधारणा झाली आहे.

पुण्यातील मविआच्या बैठकीला शरद पवारांचा राष्ट्रवादी पक्ष गैरहजर, अजित पवारांसोबत बोलणी फायनल झाल्याची चर्चा

पिंपरी-चिंचवड महापालिकेला ज्यांनी कर्जात ढकललं आहे त्यांना बाजूला करायच आहे. माझी केंद्रात ओळख आहे. प्रश्न सोडवता येईल. आपल्या विचारांचे काही खासदार आहे. त्यांच्याकडून काम करुन घायचं आहे. शेतकरी तुमची माझी जात आहे. दोन दिवस कळ काढा सगळं समजेल. भूलथपांना बळी पडू नका. काही लोकांची दहशत नेस्तनाबूत करायची आहे असंही अजित पवार म्हणाले आहेत.

कुदळवाडीत जमीनी बळकावण्यात आल्या. संत पिठात वारकरी घडवायचे होते. मात्र, तिथे CBSE स्कूल सुरू केली. संत पिठात गीता रामायण शिकवण्यात येत नाही. संत पिठात कंपनी सुरू केली. संत पीठ हे फक्त नावा पुरते राहिले आहे. जे ठरलं होतं ते का थांबवण्यात आलं? वेगळ्या पद्धतीच राजकारण जे चालल ते थांबवायला हवं. पिंपरी चिंचवड शहरातील माझ्या 25 वर्षाच्या माझ्या राजकारणात मी कधी कर्ज काढलं नव्हतं. आज महापालिकेवर कर्ज झाला आहे. हे पाप कोणाच? असंही अजित पवार म्हणाले.

संबंधित बातम्या